Mako 2:2 - Amazwi Yakwe Leza 2013

² Alino antu aingi iiza yazula ing'anda kufika nu mu mulyango kwene. Ala akukosola mazwi yakwe Leza kunoyali.

Mako 2:2 ပူးပေါင်းရင်းမြစ်များ

Masamu 40:9

Umu ukongano ukulu wa antu yako, amuno nemo numa imbila yi landwe lisuma ilya ufyusi wako. Ala we Yawe wamanya mpiti ukuti nemo ntalatala inte ukwalazya ilandwe lii.

Mateo 5:2

Alino atandika kuyasambilizya ati,

Mako 1:14

Lino Yoane yamunyepa mu ng'anda yaminyololo, Yesu waile ku Galile ku kukosola Ilandwe Lisuma lyakwe Leza.

Mako 1:33

Na antu yonsi amu muzi yakongana pa mulyango wa ng'anda.

Mako 1:37

nga lino yamuzana, yamunena yati, “Antu yonsi yakukulonda.”

Mako 1:45

Lelo umuntu apita atandika kusalanganya ilandwe konsi konsi, cakuti Yesu aposiwa kwingila mu muzi paswe. Pamulandu kwene uu, aikala ku cifulo ukwali cele, na antu izanga kunoli kufuma konsi konsi.

Mako 2:1

Pacisila ca manda yanono Yesu aswilila ku Kapenaumu, nga antu yuvwa ukuti ali mu ng'anda.

Mako 2:13

Yesu aswilila ku nkumba yakwe yemba wa Galile. Iumba likulu cuze liiza kunoli, nawe atandika kulisambilizya.

Mako 6:34

Lino Yesu wapatuka mu wato, alola iumba likulu cuze, nga aya ni nkunkunsi, pano yakoline wa mfwele izitakweti kacema. Lyene atandika kuyasambilizya vintu ivingi.

Luka 12:1

Lino antu mazimbi na mazimbi yakongana pali pamwi, cakuti yalyatana, Yesu anena alondezi yakwe ati, “Cenjelini nu kutaluka ku citutumusi ca Afaliseo, kuli kuti usomvi wao.

Luka 5:17

Uwanda umwi lino Yesu wasambilizyanga, Afaliseo na yakasambilizya ya Masunde yamwi apano yali. Yene yafumile mu mizi yonsi yamu Galile nu mu Yudeya nu ku Yelusalemu. Wene wapilwe amaka ya Mwene akupozya alwale.

Luka 8:1

Pacisila Yesu apita mu misumba nu mu mizi ala akukosola Ilandwe Lisuma lya Wene wakwe Leza. Alondezi ikumi na yaili yali nawe,

Luka 8:11

“Mulumbe u ukusenula vii, imbezu izwi lyakwe Leza.

Milimo 11:19

Yao ataile yasalangine pamulandu wakuzunyiwa ukwatandike lino yakomile Sitivini. Yamwi yafisile ku Fonisya, ku Kupulo mpaka nu ku Antioki, ala yakukosola ilandwe ku Ayuda yatupu.

Milimo 14:25

Alino yakosola ilandwe mu Pelige nga yaya ku Ataliya.

Milimo 16:6

Yapisile mu mpanga ya Fulugiya na Galatiya pano Mupasi Wamuzilo atayazumilizye ukukosola ilandwe mu muputule wa mpanga ya Asiya.

Milimo 8:25

Pacisila cakupeela umboni wao, nga nu kukosola Ilandwe lya Mwene, Petulo na Yoane yaswilila ku Yelusalemu. Mu nzila yakosola Ilandwe Lisuma mu mizi iingi iya mu Samaliya.

Loma 10:8

Lelo malembelo yakati, “Mazwi yakwe Leza yasi kutali nawe, lelo ukaya vwanga nupya yali mu mwenzo wako.” Yaa ali mazwi ya utailo yano tukakosola.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.