Mako 2:13 - Amazwi Yakwe Leza 2013

¹³ Yesu aswilila ku nkumba yakwe yemba wa Galile. Iumba likulu cuze liiza kunoli, nawe atandika kulisambilizya.

Mako 2:13 ပူးပေါင်းရင်းမြစ်များ

Mateo 13:1

Wanda uwo kwene Yesu afuma mu ng'anda aya ku nkumba yakwe yemba.

Mateo 9:9

Lino Yesu wafumanga kuku, alola kasonkisya izina lyakwe a Mateo, ala atenzi mu ng'anda ya musonko. Alino Yesu amunena ati, “Ndondela.” Mateo nawe akatuka amulondela.

Mako 1:45

Lelo umuntu apita atandika kusalanganya ilandwe konsi konsi, cakuti Yesu aposiwa kwingila mu muzi paswe. Pamulandu kwene uu, aikala ku cifulo ukwali cele, na antu izanga kunoli kufuma konsi konsi.

Mako 10:1

Lyene Yesu afuma ku Kapenaumu, aya ku muputule wa mpanga ya Yudeya alamba luzi lwa Yodani. Nupya maumba iiza kunoli, nawe ayasambilizya, mwaelile mwata wakwe.

Mako 2:2

Alino antu aingi iiza yazula ing'anda kufika nu mu mulyango kwene. Ala akukosola mazwi yakwe Leza kunoyali.

Mako 4:1

Nupya Yesu atandika kuyasambilizya mu nkumba yakwe yemba. Iumba ilyakongine kunoli lyali likulu, caleka apatama mu wato umwi, amuno aikala. Uwato wali pali yemba, iumba lyene lyali ku cituntu cakwe yemba.

Luka 19:48

Lelo yatazanyile nzila yakucita cii, pamulandu wakuti insita zyonsi wikalanga na antu ala yakuuvwa kunoli.

Luka 21:38

Lyene pa macaca, antu izanga ku Ng'anda ikulu yakwe Leza ku kumuvwa.