Mako 2:1 - Amazwi Yakwe Leza 2013

¹ Pacisila ca manda yanono Yesu aswilila ku Kapenaumu, nga antu yuvwa ukuti ali mu ng'anda.

Mako 2:1 ပူးပေါင်းရင်းမြစ်များ

Mateo 4:13

Lyene afuma ku Nazaleti, aiiza ikala mu Kapenaumu, musumba uwamu nkumba yakwe yemba, mu mipaka ya Zabuloni na Nafutali.

Mateo 9:1

Yesu apatama mu wato, alambila ku mbalama yuze yakwe yemba, nga aya ku musumba kuno wikalanga.

Mako 1:45

Lelo umuntu apita atandika kusalanganya ilandwe konsi konsi, cakuti Yesu aposiwa kwingila mu muzi paswe. Pamulandu kwene uu, aikala ku cifulo ukwali cele, na antu izanga kunoli kufuma konsi konsi.

Mako 2:2

Alino antu aingi iiza yazula ing'anda kufika nu mu mulyango kwene. Ala akukosola mazwi yakwe Leza kunoyali.

Mako 3:20

Yesu apita kuno wikalanga. Nupya iumba likulu likongana. Yesu na alondezi yakwe yatakweti nsita yakuti yalye.

Mako 7:17

Lino wasya iumba wingila mu ng'anda, alondezi yakwe yamuzya kuti alondolole vino mulumbe uu ukusenula.

Mako 7:24

Lyene Yesu afuma ku cifulo cici aya ku mpanga iyaya pipi nu musumba wa Tuli. Aingila mu ng'anda, nupya atalondanga kuti umwi amanye vino wene ali kuku, lelo antu yene yacimanyile.

Mako 9:28

Pacisila lino Yesu wingila mu ng'anda, alondezi yakwe yamuzya mu nkama yati, “Uzye pacani cino swemo twali twaposiwa kufumya mupasi wankota?”

Luka 4:23

Yesu ayanena ati, “Cumi, mumangumila ipinda lii, likati, ‘Sing'anga, ipozye wemwisikulu. Ucite na kuno mwinu vino tuvwa wacita ku Kapenaumu.’”

Luka 5:18

Lyene aonsi yamwi izile ala yasenzile umuntu wino wali icite pa cintamba, nga yezya kuti yamwingizye mu ng'anda nu kumulalika pa nkolelo yakwe Yesu.

Yoane 4:47

Lino uvwa vino Yesu watafuma mu Yudeya ali ku Galile, aya kunoli, amupapata kuti aye akapozye mwana wakwe uwalwile pipi nu kufwa.

Milimo 2:6

Lino yuvwa congo, iumba likulu likongana nu kusamwa pano umuntu wensi uvwile ya kuvwanga mu lulimi lwakwe.