Mako 14:2 - Amazwi Yakwe Leza 2013

² Lelo yatile, “Tutalinzile kucita cii pa wanda wa kuzevya Cimulo ca Ucilo, pano antu yangacita mpanzela.”

Mako 14:2 ပူးပေါင်းရင်းမြစ်များ

Mapinda 19:21

Amapange yavulisya umu mwenzo wa muntu, lelo amapange ya Mwene yene yakafikiliziwa.

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Nyimbo zya ndosya 3:27

Ala icisuma wakwe cimwi ukuteeka imyenzo ukutandikila sile uku wance witu.

Mateo 26:2

“Mwati mumanya vino kwasyala manda yaili kufika pa wanda wa kuzevya Cimulo ca Ucilo, nga nu Mwana wa Muntu alapeelwa kuti yamutane pa lupanda.”

Mateo 26:5

Lelo yavwanga yati, “Tutalinzile kucita cii pa wanda wa kuzevya Cimulo ca Ucilo, pano antu yangacita mpanzela.”

Mako 11:18

Yasimapepo akalamba na yakasambilizya ya Masunde, lino yuvwa cii, yatandika kulonda inzila yakuti yakomelemo Yesu. Lelo yamoopanga, pano iumba lyonsi lyazungwike pa usambilizyo wakwe.

Mako 11:32

Nupya tutangati, ‘Wafumizye ku antu!’” (Yoofile antu pamulandu wakuti yonsi yasininkizya vino Yoane wali akasema.)

Mako 14:1

Kwasile manda yaili kufika pa wanda wa kuzevya Cimulo ca Ucilo nga ni Cimulo ca Mukate usi na Citutumusi. Yasimapepo akalamba na yakasambilizya ya Masunde yalondanga inzila yakuti yalemelemo Yesu munkama nu kumukoma.

Mako 14:3

Yesu wali mu Betaniya mu ng'anda yakwe Simoni, wino uwalwile tembwe. Lino walyanga, umwanaci umwi aiiza kunoli nu musazi uwazilemo amafuta ya nadi acinunu cisuma nupya amutengo ukome cuze. Alino atama mulomo wa musazi nu kupongolwela amafuta pa mutwe wakwe Yesu.

Luka 20:6

Nupya tutangati, ‘Wafumizye ku antu,’ pano antu yaa yonsi yamatutama na mawe, pamulandu wakuti yasininkizya vino Yoane wali a kasema.”

Luka 22:1

Lyene uwanda wa kuzevya Cimulo ca Mukate usi na Citutumusi, cino cikaamwa Cimulo ca Ucilo, wapalime.

Yoane 12:19

Caleka Afaliseo yavwanzyanya yati, “Lolini, tukuicuzya sile! Mwalola, antu yonsi yakumulondela.”

Yoane 7:40

Caleka yamwi mwi umba lino yuvwa mazwi yaa, yati, “Umuntu wii akasema mu cumi!”