Mako 13:9 - Amazwi Yakwe Leza 2013

⁹ “Namwe mulinzile kucenjela. Yalamulema nu kumutwala ku vilye. Yalaamuma mu mang'anda ya mapepo. Pamulandu wakuti mwemwe alondezi yane, mulimilila pa manso ya ntunguluzi na yakateeka, kuti muye yakambone yane kunoyali.

Mako 13:9 ပူးပေါင်းရင်းမြစ်များ

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Mako 1:44

pitanga utanena umuntu nanti umwi pali cii. Lelo yanga kuli simapepo kuti akakulole upele impolelwa ino Mose wamunenyile, pakuti yonsi yasininkizye vino watupoziwa.”

Mako 13:5

Yesu ayanena ati, “Cenjelini, mutaleka umuntu nanti wenga amuponzye.

Mako 13:8

Inko zilakatukilana, na mawene yalakatukilana. Kulaya vilundumusi mu ncende zimwizimwi, nga ni vipowe. Vintu vii uli utandiko wa macuzi akulu cuze.

Mako 6:11

Konsi kuno antu yatalamuzengela nu kuvwa mazwi inu, muce mufume kweneko nu kukunta ulukungu lwaku ngazo zinu, kuya umboni kunoyali pa kuluvyanya kwao!”

Luka 9:5

Konsi kuno antu yatalamuzengela, muce mufume mu musumba uwo, nu kukunta ulukungu lwaku ngazo zinu, kuya umboni kunoyali.”

Yoane 15:20

Iusyini vino namunenyile inti, ‘Kusi muomvi alusile mwene wakwe.’ Ndi yanzunyizye, namwe kwene yalamuzunya. Ndi yayelanga mazwi yane, yalayela na mazwi inu kwene.

Yoane 16:2

Yalamuzinga mu mang'anda ya mapepo, endi, na kasita kakwiza lino wino wensi wamukoma alelenganya vino pa kucita cii, akutumikila Leza.

Milimo 21:11

Alino aiiza kunotuli, asapula musipi wakwe Paulo, umwisikulu ainyepa maulu na makasa, nga avwanga ati, “Avino Mupasi Wamuzilo wavwanga ati vii avino Ayuda aku Yelusalemu yalanyepa umwine musipi uu, nga yamupele mu makasa ya Akulukuwa.”

Milimo 7:54

Lino inkombe zya mwi Tengo zyuvwa kuli Sitivini, zikalipa cuze zilumanya incecete ku ukali.

Milimo 9:16

Nani nemwisikulu ndamulanga vintu vyonsi vino alacula pamulandu wi zina lyane.”

Filipi 1:29

nupya wene wamupeela isyuko lya kutumikila Klistu asi kukwata sile utailo munoli, lelo nu kumuculila.

2 Tesalonika 1:5

Vii vyonsi vikalanga ukuti upinguzi wakwe Leza usi wa lufyengo, nga nu kuti wene akumucita kuya alinge kukuma ku Wene wakwe.

2 Yoane 1:8

Cenjelini kuti mutaponzya cino mwaombela. Lelo mwezye na maka kuti mukapoke icilambu icipuma.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.