Mako 12:9 - Amazwi Yakwe Leza 2013

⁹ Yesu auzya ati, “Uzye lyene, umwine wa calo ca matingi alacita uli? Aliza akome apanzi yao nu kupeela icalo ca matingi ku apanzi yauze.

Mako 12:9 ပူးပေါင်းရင်းမြစ်များ

Ezaya 29:17

Antu yakavwanga ukuti apaya itesi patangepalengele ukuwanga penepo icalo. Na pano paya icalo napo patangepalengele ukuya penepo itesi.

Ezaya 65:15

Antu yane asololwe yalatoola izina linu, nu kulilumbula wa lutipu lwa kutipwila yauze. Nene kwene ne Yawe, anene ndamukoma. Yano yakantumikila ndayama izina ilipya.

Yelemiya 17:3

alino na papela ya mwamba usanzuke. Ivyuma vyako vyonsi vino mwatuulika ndaleka visampwe. Vilaya wa malipo apa maifyo inu muno mpanga yonsi.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Mateo 12:45

Lyene iufuma iuya uleta mipasi yuze cinimbali iipisye ukuuluta, nga iiza ikalamo. Lyene miyele ya muntu wiyo, iipisya kuluta vino yali pa kutandika. Avino cilaya ku antu aipe amu mukulo uu.”

Mateo 21:34

Lino nsita yakuzombola yafisile, atuma aomvi yakwe ku alimi kuti yakatole mulingo wakwe uwa vizao vya matingi.

Mateo 21:43

“Caleka namunena vino isyuko lya kuya mu Wene wakwe Leza lilapokwa kufuma kunomuli nu kupelwa ku antu yauze, yano alacita milimo ino akalonda.” [

Mateo 22:7

Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Mako 12:10

Uzye ale mutali muwelenge ilembelo lii? ‘Iwe lino yakakuula yakanyile, lyene lyacisilwe iwe lya pitungi lya ng'anda.

Mako 12:8

Caleka yalemile mwana yamukoma, nu kusumbila icala cakwe kunzi ya calo.”

Luka 19:27

Lelo anisi yane yano atalondanga kuti inje mwene wao yaletini kuno nu kuyakoma pa manso yane.’”

Loma 10:20

Nupya Ezaya wavwanzile nu kupama lino wavwanzile ukuti, Leza wavwanzile ati, “Nazanyilwe na antu yano atandonzile. Nalolike ku antu yano atamvulanga.”

Yoswa 23:15

Lelo mu musango uli umwi kwene uno Yawe wafikilizya ivisuma vino walavile, avino wene alamuletela iviipe vyonsi panomuli vino wamusopisizye, mpaka asuke amuzinge umu mpanga ii isuma ino wamupeela.