Mako 12:2 - Amazwi Yakwe Leza 2013

² Lino nsita yakuzombola yafisile, atuma muomvi wakwe ku apanzi kuti akatole mulingo wakwe uwa vizao vya matingi.

Mako 12:2 ပူးပေါင်းရင်းမြစ်များ

2 Yamwene 17:13

Yawe watumile inkombe zyakwe uku kuyasoka aina Izlaeli na ina Yuda, pamwi na yakasema ati, “Zenzukini, nu kulondela amasunde yane, aakazanwa mu vipope vino napiile ivikolwe vino na vino namulandile ukupitila muli yakasema yane.”

2 Milandu 36:15

Yawe Leza wa vikolwe vyao walanga watwalilila ukuyatumila yakasema, aya nu luse apa antu yakwe alino ayapokolola nga apokolola ni Ng'anda yakwe ikulu.

Ezila 9:11

yano watupile ukupitila mu yaomvi yako yakasema. Yene atunena ukuti impanga ino mukuya mwenemo ikowele pano antu aikala mwenemo yikalila ukucita vyawinyi ukufuma ku lusansa longa mpaka ukufika nu ku luze kwene.

Masamu 1:3

Wene waya wa muti uno yalema umu mbali ya kaluzi, nu kuseeka ukaseeka apa nsita ilingane. Amafwa ya muti uo yasitala iyuma. Vyonsi vino akacita asiposiwa.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

Mika 7:1

Ala ncule mwe! Nemo indi wa muntu ali ni nzala wino afumile akusokota amatingi umu calo lelo ukwaula kuzana nanti cimwi cakulya. Nupya kutasile nanti amasamvu yano watemilwe.

Zakaliya 7:7

Uzye amazwi yaa yasi yano Yawe wavwanzile ukukanwa kakwe yakasema ampiti, lino antu yikalanga umutende mu Yelusalemu nu mu misumba yamu mbali, lino mu Negebu nu mu mpanga ya misana ya twamba twaku uwondaka mwali antu?”

Mateo 21:34

Lino nsita yakuzombola yafisile, atuma aomvi yakwe ku alimi kuti yakatole mulingo wakwe uwa vizao vya matingi.

Mako 12:1

Lyene Yesu avwanga kunoyali mu milumbe ati, “Kwali umuntu uwalimile icalo ca matingi apindila ni cimpinda. Lyene aimbamo ni ciwina cakufenelamo matingi, nga akuula nu lupungu. Alino apanzisya icalo cakwe ku alimi nga apita ku mpanga ya kutali.

Mako 12:3

Lelo alimi yalema muomvi, yamuma alino yamuzinga, nawe apita minwe mitupu.

Luka 12:48

Lelo wino atamanyile vino mwene wakwe akasi, ndi waomba milimo ingamulenga kuvunukwa, wene alumwa vikoti vinono. Pano kuli wino wapelwa vingi, ni vingi vilalondwa kufuma kunoli. Na kuli wino yaseekela vingi, ni vingi kuluta vilalondwa kufuma kunoli.

Luka 20:10

Lino nsita yakuzombola yafika, atuma muomvi wakwe ku alimi kuti yakamupeleko mulingo wakwe uwa vizao vya matingi. Lelo alimi yamuma alino yamuzinga, nawe apita minwe mitupu.

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.