Mako 10:2 - Amazwi Yakwe Leza 2013

² Lyene Afaliseo yamwi iiza kunoli yamwezya yati, “Uzye cilingine na Masunde kuti umuntu angata umuci wakwe?”

Mako 10:2 ပူးပေါင်းရင်းမြစ်များ

Malaki 2:16

Yawe, Leza wa ina Izlaeli wavwanga wati, “Napata ukutaana. Napata umuntu umwi wino wacita icintu ca unkalwe wakwe cii ku muci. Musininkizye ukuti kutaya nanti wenga uwakuvuna upangano wakwe uwakuya uwacumi ku muci.”

Mateo 15:12

Lyene alondezi iiza kunoli yamuzya yati, “Uzye watumanya vino Afaliseo yafwitoka pali vino walanda?”

Mateo 16:1

Lyene Afaliseo na Asaduki yamwi iiza kuli Yesu kuti yamwezye mu mazwi. Caleka yamuzya kuti acite cilangililo ca cinjelengwe cakusininkizya vino wene watumwa na Leza.

Mateo 19:3

Lyene Afaliseo yamwi iiza kunoli yamwezya yati, “Uzye ciine na Masunde kuti umuntu angata umuci wakwe pamulandu uli onsi?”

Mateo 22:35

Na wenga uwa munoyali, uwali nkonkotela ya Masunde, amuuzya iuzyo kuti amwezye, ati,

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Mateo 9:34

Lelo Afaliseo yavwanga yati, “Mu maka ya mwanangwa wa mipasi yankota amuno akafumizya mipasi yankota.”

Mako 10:1

Lyene Yesu afuma ku Kapenaumu, aya ku muputule wa mpanga ya Yudeya alamba luzi lwa Yodani. Nupya maumba iiza kunoli, nawe ayasambilizya, mwaelile mwata wakwe.

Mako 10:3

Yesu nawe aasuka ati, “Uzye isunde ci lino Mose wamupile?”

Mako 8:11

Afaliseo yamwi iiza kuli Yesu yatandika kupazyanya nawe. Yalondanga kumwezya mu mazwi, caleka yamuzya kuti acite cilangililo ca cinjelengwe cakusininkizya vino wene watumwa na Leza.

Mako 8:15

Yesu ayasoka ati, “Cenjelini nupya muye apempukile ku citutumusi ca Afaliseo na Helodi.”

Luka 11:39

Lyene Mwene amunena ati, “Mwe Afaliseo mukafula ingako ni mbale kunzi, lelo mu myenzo inu mwazula ukakasi ni nkota.

Luka 16:14

Lyene Afaliseo lino yuvwa vii yasoweka Yesu, pano yatemilwe vyuma.

Luka 5:30

Afaliseo na yakasambilizya ya Masunde ali amwi umba lyao yailizyanya pa alondezi yakwe Yesu yati, “Uzye pacani mukaliila pamwi na yakasonkesya na yakaifya?”

Luka 6:7

Yakasambilizya ya Masunde yamwi na Afaliseo yalondelezyanga mulandu wakupeela Yesu. Caleka yamucevya kuti yalole ndi amamupozya pa Sabata.

Luka 7:30

Lelo Afaliseo na yakasambilizya ya Masunde pakukana kuwatiziwa na Yoane, yasuzile vino Leza walondanga kuyacitila.

Yoane 11:47

Caleka yasimapepo akalamba na Afaliseo yakongana na amwi tengo yati, “Uzye tumacita uli? Lolini vilangililo vyonsi vino umuntu wii akucita!

Yoane 11:57

Lelo yasimapepo akalamba na Afaliseo yapile ilamulo kuti umuntu umwi ndi angamanya ukuli Yesu, wene alinzile ayanene kuti yakamuleme.

Yoane 7:32

Lino Afaliseo yuvwa vino iumba likutotozana vya pali Yesu, yene pamwi na yasimapepo akalamba yatuma yakalinda amu Ng'anda ikulu yakwe Leza kuti yakamuleme.

Yoane 7:48

Uzye mumanyile umwi uwamu ntunguluzi zya Ciyuda nanti uwamu Afaliseo wino wamutaila?

Yoane 8:6

Yavwanzile cii kuti yateye Yesu mu mazwi, pakuti yangamupeela umulandu. Lelo Yesu ainama alemba pansi nu munwe.

1 Kolinto 10:9

Tutalinzile kwezya Mwene, ndi vino yamwi munoyali yacisile nga pacisila yalumika ni nzoka, yafwa.