Mako 1:41 - Amazwi Yakwe Leza 2013

⁴¹ Yesu aya na mizu kunoli, atambalika ikasa lyakwe amulemelela. Amunena ati, “Nkasi, pola!”

Mako 1:41 ပူးပေါင်းရင်းမြစ်များ

Utandiko 1:3

Alino Leza avwanga ati, “Kakuye uluswepo,” nu luswepo iluyako.

Masamu 33:9

Lino wavwanzile sile insi ipangwa. Ukwi zwi lyakwe sile ivintu vyonsi iviyako.

Mateo 9:36

Walanga walola maumba, aya ni nkunkunsi pano yali apelelwe nupya aculisye, kwati imfwele izitakweti kacema.

Mako 1:40

Umuntu uwalwile tembwe aiiza kuli Yesu, afukama, amupapata ati, “Ndu kasi ungampozya.”

Mako 1:42

Lilyo kwene tembwe auluka nu muntu apola.

Mako 4:39

Yesu akatuka, alesya cipupu ati, “Myalala!” Alino anena na maimbi ati, “Lalini!” Lyene cipupu cimyalala, nga kuya cele.

Mako 5:41

Amulemelela ikasa amunena ati, “Talita kumi,” kuli kuti, “Kaci we nakunena nati katuka!”

Mako 6:34

Lino Yesu wapatuka mu wato, alola iumba likulu cuze, nga aya ni nkunkunsi, pano yakoline wa mfwele izitakweti kacema. Lyene atandika kuyasambilizya vintu ivingi.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.