Luti 4:6 - Amazwi Yakwe Leza 2013

⁶ Pakuvwa cii, umuntu wilya uwakweti insambu ya kupyana avwanga ati, “Ndi cili vivyo, ale lyene ntangakala icalo cico pamulandu wakuti ukucita cico cingaleta uzanzo ku calo cane. Fwandi wewe kwene ulinzile kuombela pa nsambu yane, nemo naposiwa.”

Luti 4:6 ပူးပေါင်းရင်းမြစ်များ

Utandiko 38:8

Lyene Yuda anena Onani ati, “Pyana solenzi, utoole umuci wakwe kuti munoli umuvyalile ana ndi vino caya mu lutambi, kuti izina lyakwe solenzi litakalowe.”

Aina Levi 25:25

Mwina Izlaeli ndi waya mupina cakuti camupatikizya ukukazya impanga yakwe, umwina wakwe ali nu kukulula impanga iyo.

Malango 25:7

Lelo ndi cakuti umwina wa muyazi atakasi kutoola mukamfwilwa wiyo, mukamfwilwa wiyo alinzile aye ku ntunguluzi zyamu musumba nga azinene ati, ‘Mulamu wane watakana ukututulula izina lya mwina mu mpanga ya ina Izlaeli. Wene watakana nu kuvyalila umwina umwana mu Izlaeli.’

Malango 25:8

Alino intunguluzi zyamu musumba uwo zingamwama nu kulanda kunoli. Ndi cakuti acili akukana ukutoola mulamu wakwe,

Malango 25:9

mukamfwilwa lyene alinzile wapalama kunoli pa manso ya ntunguluzi zyamu musumba, amuzule ulundyatu longa, amuswile amati pa manso, nga avwange ati, ‘Ee, ali vino yakacita umonsi uwakana ukuvyalila umwina umwana.’

Luti 2:20

Naomi pali pakuvwanga ati, “Si kawala! Si Yawe kalukupolelela Boazi! Yawe asita ukulanga uluse ku apuma na afwe kwene!” Naomi atwalilila ukunena Luti ati, “Umuntu kwene wiyo wapalama sana ku akazi kitu. Wene awenga pa antu itu akwata insambu zya kukupyana.”

Luti 3:13

Walutenzi kuno nu usiku kwene, nga akatondo umuntu wiyo ndi akasi angiza azumile ku kuzifya, ale cazipa. Lelo kwene ndi cakuti wiza wakana, nemo nalapa mwi zina lyakwe Yawe ukuti nene kwene indi nu kucita cico. Acino wemo lala sile ukufika akatondo.”

Luti 3:9

Boazi pali pakumuzya ati, “We, uzye wewe weni?” Nawe aasuka ati, “Nene Luti, umuomvi winu. Mvimbini mbali ukwi sempe lya nsalu inu, pano mwemwe mwatimukwata insambu yakupyana wiyo uwali uwane.”