Luti 4:14 - Amazwi Yakwe Leza 2013

¹⁴ Anaci amu Betelemu iyanena Naomi yati, “Ululumbi luye kuli Yawe, wino api lelo wakupeela umwizikulu kuti akusunga. Si angala umwana wi alumbuke mu Izlaeli!

Luti 4:14 ပူးပေါင်းရင်းမြစ်များ

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Utandiko 24:27

Avwanga ati, “Lumbanyini Yawe, Leza wa musambazi wane Abulaamu, wino watafikilizya ulayo wakwe nu utailo ukulu. Leza watantungulula ku ng'anda ya mwina wa musambazi wane.”

Utandiko 29:35

Nupya kwene asenda indilwa, nga lino wavyala umwana umonsi avwanga ati, “Ndakai namalumbanya Yawe.” Acino atemela umwana izina ati a Yuda. Lyene ni kwata litala limilila.

Luka 1:58

Auze na akazi kakwe yuvwile vino Mwene wamuyela mizu, nga yazangila pamwi nawe.

Loma 12:15

Muzange pamwi na yao akuzanga, losyini pamwi na yao akulosya.

1 Kolinto 12:26

Ndi cilundwa conga ca mwili cacula, ni vilundwa vyuze navyo vikaculila pamwi naco. Ndi cilundwa conga ca mwili catasiwa, ni vilundwa vyuze navyo vikakumako ku luzango lwakweco.

1 Tesalonika 5:18

nupya mwataizya Leza muli vyonsi. Vii avino Leza akalonda kuti mwacita mu umi winu muli Klistu Yesu.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.