Luti 4:11 - Amazwi Yakwe Leza 2013

¹¹ Inkombe zizi pamwi na antu yonsi ali pa mpongolo ilya yavwanga yati, “Ee, icacumi sweswe yakambone. Si Yawe umwisikulu angaleka umwanaci wino akwiza ukwako aye ivyali Lakeli na Leya, antu yaili asandulwile ang'anda yakwe Izlaeli. Sungala ucite icampomvu mu Efulata pa kusunga izina lyakwe mu Betelemu kuti litalowa.

Luti 4:11 ပူးပေါင်းရင်းမြစ်များ

Utandiko 23:10

Efuloni umwina Hiti umwisikulu pano wali pakasi ka antu yakwe aina Hiti lino yakomanyile pa mpongolo ya musumba, nawe aasuka pa manso ya antu yakwe aina Hiti ati,

Utandiko 24:60

Nga yapolelela Labeka na mazwi yaa: “We kaciwe, wize ukaye nyina wa mazimbi na mazimbi! Ana yako yakaye yakacimvya ya anisi yao.”

Utandiko 29:16

Labani wakweti ana yakaci yaili, zina lyakwe nyinalenzi wali a Leya, nu muto a Lakeli.

Utandiko 29:25

Katondo lino waca nga Yakobo alola vino a Leya awino watatwala. Anena Labani ati, “Uzye pacani cino wacitila ca musango uu kunondi? Uzye ntakuombile kuti umpeele Lakeli? Uzye fwandi pacani cino wacitila ucenjezi kunondi?”

Utandiko 29:32

Leya asenda indilwa nga avyala umwana umonsi. Avwanga ati, “Yawe watalola ucuzi wane, acino lyene uwane amantemwa. Acino atemela umwana izina ati a Lubeni.”

Utandiko 35:23

Ana yakwe Leya aonsi yali a Lubeni (iyeli lyakwe Yakobo), Simeoni, Levi, Yuda, Isakali na Zebuluni.

Utandiko 35:24

Ana aonsi yakwe Lakeli yali a Yosefu na Benjamini.

1 Yamwene 21:8

Acino Yezebele alemba makalata mwi zina lyakwe Aabu, nga afwanta penepo ni nsimbi ya wene, asaina penepo. Alino atuma makalata yayo ku vilolo ni ntunguluzi zyamu musumba umwikalanga Naboti.

1 Milandu 2:51

Salima uwali a isi wakwe Betelemu, na Halefu uwali a isi wakwe Beti Gadeli.

Masamu 132:6

Uku Efulata tuvwile ulwa kululumba kwa Mbokosi ya Upangano.” Twaizanyile umu vyalo vyaku Yaali, ituvwanga tuti,

Mapinda 14:1

Umwanaci wa mano akakuula ing'anda yakwe, lelo umutumpe wene akaipasa uku vicitwa vyakwe.

Mapinda 31:23

Iya nawe akacindikwa wakwe cimwi, lwapa mpongolo ya musumba, pano yakaikala na ikolo ya mpanga.

Yelemiya 32:10

Ali vino nalemvile umulandu uu uwa kukala icalo namupeela na kalata wa umboni, nafwantapo ni nsimbi. Nalonda yakambone, namupendela ni mpiya namupeela nu kumupeela.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Mateo 2:6

‘Nawe Betelemu, mu mpanga yakwe Yuda, Usi munono muli yakateeka yakwe Yuda. Pano munuli mulafuma intunguluzi, ino ilaya akateeka wa antu yane aina Izlaeli.’ ”

Malango 25:7

Lelo ndi cakuti umwina wa muyazi atakasi kutoola mukamfwilwa wiyo, mukamfwilwa wiyo alinzile aye ku ntunguluzi zyamu musumba nga azinene ati, ‘Mulamu wane watakana ukututulula izina lya mwina mu mpanga ya ina Izlaeli. Wene watakana nu kuvyalila umwina umwana mu Izlaeli.’

Malango 25:9

mukamfwilwa lyene alinzile wapalama kunoli pa manso ya ntunguluzi zyamu musumba, amuzule ulundyatu longa, amuswile amati pa manso, nga avwange ati, ‘Ee, ali vino yakacita umonsi uwakana ukuvyalila umwina umwana.’

Luti 1:2

Umuntu wilya wali a Elimeleki, nu muci wakwe wali a Naomi, nga ana yakwe yaili aonsi yali a Maaloni na Kilyoni. Antu yaa yonsi yali amu luko lwakwe Efulata aku Betelemu, umu mpanga yakwe Yuda. Yaile ku Moabu akuno yikala. Lino yacili kuku,