Luti 4:10 - Amazwi Yakwe Leza 2013

¹⁰ Alino ukulundapo na Luti umwina Moabu, wiyo uwafwilwa iya Maaloni, namukalinkanya kumwi kuti aye umuci wane. Nacita cico pakuti nsunge izina lya musipwa kumwi ni calo cakwe, kuti izina lyakwe litalowa mu akazi kakwe nanti mu vyalembwa ivyamu musumba. Pa wanda wi lelo mwemwe muli yakambone yane!”

Luti 4:10 ပူးပေါင်းရင်းမြစ်များ

Utandiko 29:27

Lolela umulungu upite uwa winga ndakupeela na Lakeli kwene ndi wazumila ukuombela imyaka nayuze cinimbali.”

Utandiko 38:9

Lelo Onani amanya ukuti ana yano yalavyalwa yatalaya ana yakwe. Caleka lyonsi lino yakomana nu umuci wakwe silenzi pa musanzi, wafutilanga ukunzi pakuti atavyalila silenzi ana.

Masamu 109:15

Sangala Yawe alukwiusya amaifyo yao, lelo yene yililikwe!

Masamu 34:16

Lelo wene antu yayo akacita iviipe, yene akayafutatila icakuti na antu yao nayo kwene iyasuka iyayilila.

Mapinda 18:22

Uwasyukila umuci wazana ulongo. Lelo Yawe aliwe wamukumbusuka.

Mapinda 19:14

Upyanyi wa ng'anda ni vyuma ukalonkwa uku vikolwe, lelo Yawe sile aliwe angapeela umonsi umuci umufyeleke.

Ezaya 48:19

Ana inu nayo yangavula wa musensenga, nupya ntange ndeke ukuti yalowelele foo.”

Oseya 12:12

Yakobo utukile ku mpanga ya Alamu. Izlaeli waile alembwa incito kuko kwene kuti asake. Wacemanga imfwele kuti atwale mangu wiyo.

Oseya 3:2

Acino namukazile apa mpiya ikumi na zisano zyakwe siluva nga ni nteko zisano na ziili zya mbezu zyakwe baale.

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Malaki 2:14

Namwe imuzya muti, “Uzye apacani cino akucita vivyo?” Apamulandu wakuti Yawe ali kambone wakukusinila pa kuntaya wacumi ku muci wino watwite mu ulumendo wako.

Efeso 5:25

Namwe mwe onsi mutemwe aci inu wakwe vino Klistu watemilwe iuvi nga nu kupeela umi wakwe pamulandu wakwelyo.

Malango 25:6

Mwana umonsi wino alavyala yalinzile yamutemela izina lya muyazi kwene wiyo. Ali pakuti izina lya muyazi litakalowe mu ina Izlaeli.

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

Yoswa 7:9

Lino aina Kenani pali pamwi na antu yauze akaya ya mpanga ilya yaluvwa cii, yaliza yatuzinguluke nu kutulovya swensi pano pansi. Uzye lyene wemo ulacita cani pakuti umucinzi wako ukulu utakononeke?”

Luti 4:9

Lyene Boazi anena inkombe zizi na antu ati, “Pa wanda wi lelo mwemwe muli yakambone yane ukuti nakala ivintu vyonsi kuli Naomi, ivyali ivya asipwa yaa, Elimeleki, Kilyoni na Maaloni.