Luti 4:1 - Amazwi Yakwe Leza 2013

¹ Boazi atala aya ku mpongolo ya musumba pano antu yakomenkanilanga nga aikala kuku. Umuntu wakwe wenga uwakweti insambu ya kupyana aiza wiyo kwene wino Boazi walanzile penepo. Alino Boazi amunena ati, “We cuza, tala iza kuno nduwikale paa.”

Luti 4:1 ပူးပေါင်းရင်းမြစ်များ

Utandiko 19:1

Lino Angeli yaya yaili yafisile ku Sodoma manguzi, Loti watenzi pa mpongolo ya musumba. Zuwazuwa lino wayalola, akatuka aya ku kuyakomenkanya nga afukama pansi afupime,

Utandiko 23:10

Efuloni umwina Hiti umwisikulu pano wali pakasi ka antu yakwe aina Hiti lino yakomanyile pa mpongolo ya musumba, nawe aasuka pa manso ya antu yakwe aina Hiti ati,

Utandiko 34:20

Hamoli na Syekemu umwana wakwe umonsi yapita yaya ku cifulo caku konganilako ku mpongolo ya musumba, ku ikazi ya musumba yauze yati,

2 Samueli 15:2

Cila katondo lino waca, Abusalomu wakatukanga nu kwimilila pa mbali ya nzila iyalungama ku mpongolo ya musumba. Alino lyene umuntu wensi uwiza nu mulandu uwakulolola ku mwene, Abusalomu kwene ali wino wamwamanga nu kumuuzya ati, “We yame, uzye wafuma ku musumba cii?” Alino nawe amwaasuka ati, “Musambazi, nafuma ku mutundu onga uwamu mitundu ya ina Izlaeli.”

2 Milandu 18:9

Yamwene yoili, umwene waku Izlaeli na Yeosafati umwene waku Yuda, yatenzi pa vilimba vyao vya wene pa lwano lwa kupuulila ale yazwite na malaya yao awene, ala yatenzi apa lwano apa vilimba vya wene, apanzi lwapa mulyango wa musumba wa Samaliya. Yakasema nayo ale yakusema apa nkolelo yao.

Yobo 29:7

Lyonsi ndi kwaya ukukongana kwa nkombe zya muzi, nga nateka sile icilimba cane apa musolo ala lwanya nu kunya.

Yobo 31:21

“Nemo panondi, ndi cakuti limwi natazile inkatusya ikasa lyane, nu kupingila uwakaele apamulandu wakuti namasuka imucimvye mu kulondolola kwene ukwa ucenjezi,

Masamu 69:12

Lyene iyikalila nu kunjambilapo, apa mpongolo zya musumba. Na akolesi iyanjimba nu mu nyimbo.

Mapinda 31:23

Iya nawe akacindikwa wakwe cimwi, lwapa mpongolo ya musumba, pano yakaikala na ikolo ya mpanga.

Ezaya 55:1

Mwensi mwemuno mukacula ku lusala izini ku manzi! Nanti mutakweti impiya izini sile. Izini mukale cakulya kwaula impiya, mulye. Mukale ni cakumwa ni ziya ukwaula kulipila.

Yelemiya 32:10

Ali vino nalemvile umulandu uu uwa kukala icalo namupeela na kalata wa umboni, nafwantapo ni nsimbi. Nalonda yakambone, namupendela ni mpiya namupeela nu kumupeela.

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

Zakaliya 2:6

Yawe wavwanga wati, “Izini! Izini! Utukini mufume mu mpanga yaku katutu. Pasi pano nemo natimusalanganyizizya ku miza ini ya kwiyulu.

Malango 16:18

“Mu misumba inu yonsi ino Yawe Leza winu alamupeela muce musonte mwenemo yakapingula ya milandu pali pamwi na makombe ukufuma mu nko zinu zyonsi. Antu yao, ali yano yalapingula auze ukwaula kasoozi.

Malango 17:5

muce musende umuntu wiyo ukunzi ya musumba nu kumutama na mawe mpaka afwe.

Malango 21:19

Akwasi yakwe yalinzile kumutwala ku ntunguluzi zyamu musumba muno akaikala nu kuleka apingulwe.

Malango 25:7

Lelo ndi cakuti umwina wa muyazi atakasi kutoola mukamfwilwa wiyo, mukamfwilwa wiyo alinzile aye ku ntunguluzi zyamu musumba nga azinene ati, ‘Mulamu wane watakana ukututulula izina lya mwina mu mpanga ya ina Izlaeli. Wene watakana nu kuvyalila umwina umwana mu Izlaeli.’

Yoswa 20:4

Lino wene utukila ku musumba onga pali iyo, alinzile ukwimilila pa wingililo wa mpongolo ya musumba uwo nu kutula umulandu wakwe inkolelo ya ntunguluzi zya musumba kwene uwo. Alino lyene yalinzile kumuzumilizya ukwingila mu musumba wao nga yamupele incende pa kwikala nayo.

Luti 3:12

Kwene nanti angala icacumi ukuti nene mpalamisye mu aluko, lelo akuno ali umuntu umwi akweti insambu ya kupyana.

Luti 3:18

Lyene Naomi avwanga ati, “Teeka sile umwenzo, mwanane, mpaka tulole kuno umulandu uu ukuya. Pano nga Boazi wene asikutala afuute ningo mpaka asininkizye ukuti umulandu uu wasila ilelo kwene.”