Luti 3:12 - Amazwi Yakwe Leza 2013

¹² Kwene nanti angala icacumi ukuti nene mpalamisye mu aluko, lelo akuno ali umuntu umwi akweti insambu ya kupyana.

Luti 3:12 ပူးပေါင်းရင်းမြစ်များ

Mateo 7:12

“Acino vintu vyonsi vino mukasi kuti antu yamucitile namwe kwene avino mwayacitila. Pano avino Masunde yakwe Mose nu usambilizyo wakwe yakasema vikalanda.

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

Luti 2:20

Naomi pali pakuvwanga ati, “Si kawala! Si Yawe kalukupolelela Boazi! Yawe asita ukulanga uluse ku apuma na afwe kwene!” Naomi atwalilila ukunena Luti ati, “Umuntu kwene wiyo wapalama sana ku akazi kitu. Wene awenga pa antu itu akwata insambu zya kukupyana.”

Luti 3:11

Lyene ndakai, mwanane, utalinzile ukuvwa intete. Namakucitila vyonsi vino umanguzya, pamulandu wakuti antu yonsi amu musumba yatiyasininkizya nu kumanya ukuti wewe mwanaci umwi uwampomvu.

Luti 3:13

Walutenzi kuno nu usiku kwene, nga akatondo umuntu wiyo ndi akasi angiza azumile ku kuzifya, ale cazipa. Lelo kwene ndi cakuti wiza wakana, nemo nalapa mwi zina lyakwe Yawe ukuti nene kwene indi nu kucita cico. Acino wemo lala sile ukufika akatondo.”

Luti 4:1

Boazi atala aya ku mpongolo ya musumba pano antu yakomenkanilanga nga aikala kuku. Umuntu wakwe wenga uwakweti insambu ya kupyana aiza wiyo kwene wino Boazi walanzile penepo. Alino Boazi amunena ati, “We cuza, tala iza kuno nduwikale paa.”

Luti 4:4

Nelenginye ukuti ndinzile ukutuula umulandu uu kunuli, nu kukuuzya kuti ukale pa manso ya antu atenzi pano na pa manso ya nkombe zii zyonsi izili pano. Ndi cakuti ukulonda ukukulula, ungacita cico. Lelo ndi cakuti utakasi, lyene unene kuti imanye. Pano kusi umwi akweti insambu izya kucita cico, suka sile wewe, nga ndi wakana lyene ale anene.” Nawe avwanga ati, “Namakulula.”