Luti 2:8 - Amazwi Yakwe Leza 2013

⁸ Lyene Boazi anena Luti ati, “Uvwa kuno mwanane. Utaezya ukuya umu vyalo vyuze ku kusotolezya nupya ute kusotolezya. Lyene waomba pamwi na akazyana aomvi yane.

Luti 2:8 ပူးပေါင်းရင်းမြစ်များ

2 Yamwene 5:13

Aomvi yakwe nayo ali pakumupapata yati, “We musambazi we, kasema akunena ukucita icintu cimwi icicindame, ngano watucicita. Uzye icani cino utange uye ukowe sile wakwe muno avwangile, nu kupola upole?”

Aina Levi 19:9

“Lino mukuzombola ivyakulya vinu mu vyalo, mutazombola ingano kufika nu mumbali umwapelela icalo. Nupya mutaswilila ku kuzombola ingano zino mwasile mumbali.

Mateo 9:2

Lyene lilyo kwene aonsi yamwi yamuletela umuntu wino uwali cite, ala aizi pa cintamba. Lino Yesu walola utailo wao, anena icite ati, “Mwanane utasakamala! Maifyo yako yelelwa.”

Mateo 9:22

Lelo Yesu aseleuka amulola, amunena ati, “Kaciwe, teku mwenzo utasakamala! Utailo wako wakupozya.” Pa kasita kwene kako mwanaci apola.

Filipi 4:8

Mukumalila, inane lekini myenzo inu izulemo kwelengenya vintu visuma vilinzile kutasiwa, ivya cumi, ivya mpomvu, visanguluke, viyembe, nga ni vyakucindikwa.

Luti 2:7

Wataiza auzya ukuti angasotolezya umu nsaawa zino yakasinza yatiyasinza mpiti. Aizile katondotondo nga ukufuma lili kwene acili akuomba ukufika na likwene, suka sile ndakai lino akupuza panono mu mutanda.”

Luti 2:9

Uwalola kuno aonsi yaya ku kuzombola, nawe akuno ulondele yao akusotolezya. Natimpeela ilamulo ku yaomvi yane aonsi ukuti yatalinzile ku kucuzya. Nupya lyonsi lino ulusala lwakuluma, ulinzile wamwa amanzi mu nsembo zino yatafile mpaka na papela.”

1 Samueli 3:16

lelo Eli amwama nga amunena ati, “Samueli, mwanane.” Samueli nawe aasuka ati, “Anene, mukwai.”

1 Samueli 3:6

Nupya kwene Yawe aama Samueli ati, “Samueli!” Nga Samueli akatuka aya kuli Eli nga Eli nawe amunena ati, “Mwali mukungama. Anene mukwai!” Lelo Eli avwanga ati, “Mwanane, ala ntali nkukwama. Mwanane swilila kalambalale.”