Luti 2:12 - Amazwi Yakwe Leza 2013

¹² Si Yawe angala akulambule sile pali vino wacita. Si Yawe, Leza wa ina Izlaeli angala akulambule, wino watuwiza ku kuzina munoli.”

Luti 2:12 ပူးပေါင်းရင်းမြစ်များ

Masamu 17:8

Unsunge wakwe vino ungacingilila nyinalinso uwi linso lyako, umfise mu cisao ca mapa yako,

Masamu 19:11

Ali muno ne muomvi wako inkapula amano nu kuyawaka. Umu kuyalondela ali muno ndapokelela ni cilambu icikalamba.

Masamu 36:7

Iye mwe, vino uluse lwako lwazipa we Leza! Ana ya antu yakauwa umu cisao ca mapa yako.

Masamu 57:1

Undole luse luse we Leza, undole luse luse, pano niza nazina kunuli. Umu cisao ca mapa yako, amuno nkuuwa, ukufika sile na lino uzanzo wane ulasililikila.

Masamu 58:11

Yakaifya yene yalati, “Ee kwene icacumi asuma yalambulwa, mu cumi, kwaya Leza wenga akapingwila insi.”

Masamu 61:4

Leka fwandi inaikalilila umu ng'anda umwako pe na pee, leka sile nauwa umu maapa yako.

Masamu 63:7

Pano wewe uli kazwa wane insita yonsi, nkukwimbila umu cisao ca maapa yako.

Masamu 91:4

Amakuvimbanga na mapa yakwe, nu kuwa amuno umauwanga, ni cisinka cakwe, ni cumi cakwe, acino umasolelanga nu kuicingilila kweneko.

Mapinda 11:18

Umuntu mwipe akalipilwa utumalipilo twamu usomvi, lelo kacita wa vyaololoke wene akapokelela ukulingana ni cilambu ca milimo yakwe.

Mapinda 23:18

Cumi kwene insita iliiza, lino ivintu vino ukapaalila vilafikiliziwa.

Yelemiya 31:16

Yawe wavwanga wati, “Lesya izwi lyako ukulosya na manso yako ukuponya aminsozi, ni vipa vyako vitezya vitipasye aminsozi. Vyonsi vino wacitile ana yako ulalambwilwapo. Yene yalaweluluka ukufuma ku mpanga ya anisi yao.” Ivyalanda Yawe.

Mateo 23:37

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Mateo 5:12

Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Mateo 6:1

“Mutacita milimo isuma kuti mwalolwa na antu. Pano ndi mumacita vivyo ale musi ni cilambu kuli So winu uwa mwiyulu.

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

2 Timoti 1:18

Mwene ace aye na mizu kuli Onesifolasi pa Wanda wa upinguzi! Nupya wamanya ningo ukwazwa kuno wancitile mu Efeso.

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

Ayebulai 11:26

Wene welenginye ukuti kusulwa pamulandu wakwe Mesiya kwacindama kuluta vyuma vyonsi vyamu Eguputo, pano wene walolekesyanga pa cilambu cilapelwa mu manda akwiza.

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

Luti 1:16

Lelo Luti aasuka ati, “Utezya uswilizye ukunena kuti inkusye wewe! Unte sile inkulondele. Konsi kuno ulaya, nani kwene indaya. Konsi kuno ulikala, nani kwene indikala. Antu yako yalaya antu yane na Leza wako alaya a Leza wane.

Luti 2:11

Boazi aasuka ati, “Nuvwa vyonsi vino wemo wacitila nyokovyala ukufuma sile lino uwako wafwile, na vino wemo wasya akwasi yako ufuma nu kumwinu wiza wikala na antu yano inkolelo utatazile umanye.

Luti 2:13

Luti nawe avwanga ati, “Mwatimunkumbusuka wakwe cimwi musambazi. Mwatimuntekezya umwenzo apakulanda kunondi ne muomvi winu umu mutembo nanti angala nene mucepesye pa yaomvi inu.”

Luti 4:15

Mwana wii alakupeela upemwilo mu umi wako nu kukusunga mu ukoloci wako. Pasi pano nyokovyala, wino wakutemwa cuze, nupya wino watacita kunuli ivilusile ivicitwa vya ana cinimbali aonsi, uwatamuvyala.”

1 Samueli 24:19

Uzye amaila yanga lino umuntu akazana umwanisi wakwe ukwaula ukumucitila cimwi iciipe?

1 Samueli 24:20

Manyile ukuti icumi kwene wemo ulaya umwene nu kuti uwene wa Izlaeli ulatwalilila lino wemo uli pa cilimba.