Luti 1:7 - Amazwi Yakwe Leza 2013

⁷ Naomi na yanyinavyala yoili iyatandika ulendo wakufuma kuno yatenzi, iyatenuka iyatola umuseo kulungama ku mpanga yakwe Yuda.

Luti 1:7 ပူးပေါင်းရင်းမြစ်များ

2 Yamwene 8:3

Apacisila ca myaka cinimbali, umwanaci wilya ali pakuweluluka ku mpanga ya ina Filisti. Alino aya umu kuuzya umwene apakuti yamuwezezye ing'anda yakwe ni calo cakwe.

Kufuma 18:27

Lyene Mose iyapakasyanya na Yetulo, nga Yetulo aswilila ukwakwe.

Luti 1:10

nga iyamunena yati, “Twakana! Swemo mpaka sile tukulondele ku antu yako.”

Luti 1:14

Apakuvwa vivyo iyalilisya. Lyene Olipa atonsola nyinavyala amupakasya, lelo Luti asyala akonkotile kuli nyinavyala.

Luti 1:6

Lino papisile insita, Naomi uvwile ukuti Yawe wapolelela antu yakwe apa kuyapeela ivyakulya ivingi. Acino wene pamwi na nyinavyala iyaiteyanya ukufuma ku Moabu.

Luti 1:8

Alino Naomi anena yanyinavyala yaya yoili ati, “Swililini, cila muntu aye kumwao kuli nyina. Si Yawe amucitile ivyaluse wakwe vino mwacitila asipwa yalya nga nani kwene.