Luka 9:5 - Amazwi Yakwe Leza 2013

⁵ Konsi kuno antu yatalamuzengela, muce mufume mu musumba uwo, nu kukunta ulukungu lwaku ngazo zinu, kuya umboni kunoyali.”

Luka 9:5 ပူးပေါင်းရင်းမြစ်များ

Neemiya 5:13

Ali pakuzula icisempe cansalu ino nazwite, nacikunta navwanga nu kuti, “Ali vino Yawe Leza, alakunta umuntu ali wensi uwa muno muli, nu kumuzinga umu ng'anda yakwe, nu kumupoka vyuma vyakwe.” Ali vino umuntu wiyo alinzile akuntwe. Atasyala nanti cimwi. Iuvi lyonsi nalyo ali pakwasuka iliti, “Ciye vivyo kwene!” Nga lilumbanya Umwene. Nga antu nayo yafikilizya ulayo wao.

Mateo 10:18

Yalamulema nu kumutwala ku ntunguluzi na yakateeka pamulandu wane, kuti muye yakambone yane kunoyali nu ku Akulukuwa.

Mako 6:11

Konsi kuno antu yatalamuzengela nu kuvwa mazwi inu, muce mufume kweneko nu kukunta ulukungu lwaku ngazo zinu, kuya umboni kunoyali pa kuluvyanya kwao!”

Mako 9:37

“Wino wensi akazengela wenga uwamu ana anono wakwe wii pamulandu wane, ala wanzengela. Na wino wensi uwanzengela, asikuzengela nene lelo wazengela wino uwantuma.”

Luka 10:16

Yesu anena alondezi yakwe makumi cinimbali na yaili ati, “Wino akamuvwila, akauvwila nene. Lelo wino uwamukana, ala wakana nene. Caleka wino uwankana, ala wakana uwantuma.”

Luka 5:14

Lyene Yesu amupeela ilamulo ati, “Utanena umuntu nanti umwi pali cii. Lelo yanga kuli simapepo kuti akakulole, upele impolelwa ino Mose wamunenyile, pakuti yonsi yasininkizye vino watupoziwa.”

Luka 9:4

Konsi kuno yalamupokelela mwikale mu ng'anda ili imwi kufika lino mulafuma mu musumba uwo.

Luka 9:48

ayanena ati, “Wino wensi akazengela umwana munono wakwe wii pamulandu wane, ala wanzengela. Na wino wensi uwanzengela, ala wazengela wino uwantuma. Pano wino ali munono kuluta pali mwemwe mwensi, wene ali mukulu.”

Milimo 13:51

Atumwa nao yakunta lukungu lwa ku ngazo zyao kuya umboni kuno yali, yapita ku Ikoniamu.

Milimo 18:6

Lino yamukana nu kulanda viipe pali aliwe, wene akunta lukungu ku vizwalo vyakwe kuti ayalange vino wapaluka kunoyali, nga ayanena ati, “Ndi mwalowa, ale umulandu winu mweisikulu! Usi mulandu wane. Ukufuma ndakai namaya ku Akulukuwa.”