Luka 9:48 - Amazwi Yakwe Leza 2013

⁴⁸ ayanena ati, “Wino wensi akazengela umwana munono wakwe wii pamulandu wane, ala wanzengela. Na wino wensi uwanzengela, ala wazengela wino uwantuma. Pano wino ali munono kuluta pali mwemwe mwensi, wene ali mukulu.”

Luka 9:48 ပူးပေါင်းရင်းမြစ်များ

Mapinda 18:12

Ukuiwanzya umukasi ka mwenzo, ukukakolelela ukuponga. Ukuicefya ali kuno kukakolelela ucindami.

Mateo 18:10

“Cenjelini mutezya kuti musule wenga uwamu ana yaa anono. Pano nsita zyonsi angeli yao aakayalinda, yene yakaikala pipi na Tata wino ali mwiyulu. [

Mateo 18:14

Mu musango uli onga kwene, So uwa mwiyulu asyalonda nanti wenga uwamu anono yaa, aponge.

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Mateo 25:45

Mwene alaasuka ati, ‘Cumi namunena, vino consi cino mwakanyile kucitila wenga munono uwamu antu yane, vivyo kwene mwakanyile kucitila nene.’

Mako 9:37

“Wino wensi akazengela wenga uwamu ana anono wakwe wii pamulandu wane, ala wanzengela. Na wino wensi uwanzengela, asikuzengela nene lelo wazengela wino uwantuma.”

Luka 10:16

Yesu anena alondezi yakwe makumi cinimbali na yaili ati, “Wino akamuvwila, akauvwila nene. Lelo wino uwamukana, ala wakana nene. Caleka wino uwankana, ala wakana uwantuma.”

Luka 14:11

Pano wensi akaikuzya wene alacefiwa, na wino wensi waicefya wene alakuziwa.”

Luka 22:26

Lelo cisi vivyo muli mwemwe. Mu cifulo cakwe cii, mukulu uwa muli mwemwe alinzile aye kwati munono na wino akuteeka nawe alinzile aye kwati muomvi.

Luka 22:30

Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

Luka 7:28

Namunena nati, mu antu yonsi avyalwa mu nsi ii, kusi umuntu wino alusile Yoane. Lelo wino ali munono mu Wene wakwe Leza, wene ali mukulu kuluta Yoane.”

Yoane 13:20

Cumi namunena vino wino wensi akunzengela, ala wazengela wino uwantuma.”

Yoane 14:21

“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.

1 Petulo 5:6

Acino, lyene muicefye nkolelo ya maka yakwe Leza, nga nawe alamukatusya mu nsita ino wasonta.

Umbwilo 21:14

Ilinga lya musumba lyakuuzilwe pa mufula uwa mawe ikumi na yaili, pano palemvilwe mazina ya atumwa ikumi na yaili a Mwana wa Mfwele.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.