Luka 9:41 - Amazwi Yakwe Leza 2013

⁴¹ Lyene Yesu ayanena ati, “Ala! Mwe antu amu mukulo usi na utailo nupya uvulungane! Uzye namaya namwe nu kumutekelela kufika lilaci?” Lyene anena umuntu ati, “Leta umwana wako kuno.”

Luka 9:41 ပူးပေါင်းရင်းမြစ်များ

2 Yamwene 5:8

Lino Elisya, umuntu wakwe Leza uvwa ukuti kasema wilya watalepola ivyakuzwala vyakwe, atuma akuya nena umwene wilya amazwi yaa ati, “Uzye pacani walepula ivyakuzwala vyako? Leka umwenyi wiyo aize kunondi nga amamanya ukuti umu Izlaeli mwaya kasema.”

Masamu 78:8

Yataca yakaye ivyali ivikolwe vyao, ivyasangukilanga Leza nu kumutalamila. Vyene vyatailanga Leza, citaile taile, ukwaula ukwika amano uku kumutontelela.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Kufuma 16:28

Lyene Yawe auzya Mose ati, “Uzye kufika insita cii lino mumakana kuyela malamulo yane?

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Mpendwa 14:11

Yawe anena Mose ati, “Uzye antu yaa yalansuula kufika lilaci? Uzye yalakana kunzumila kufika lilaci, nanti angala nemo nacita vizungusyo pakasi kao?

Mpendwa 14:27

“Uzye iumba lii ilipe, lilata lilaci ukuilizyanya pali nene? Natinuvwa ukuilizyanya kwa ina Izlaeli pali nene.

Mateo 11:28

“Izini kunondi, mwensi mwe yatonte nupya anyomelwa, nani namamupeela upuzo.

Mateo 12:39

Yesu avwanga ati, “Antu amu mukulo uu aipe nupya asi na utailo yakalonda cilangililo ca cinjelengwe! Lelo kusi cilangililo ca cinjelengwe icilapelwa kunoyali suka cilangililo cakwe kasema Yona.

Mateo 12:45

Lyene iufuma iuya uleta mipasi yuze cinimbali iipisye ukuuluta, nga iiza ikalamo. Lyene miyele ya muntu wiyo, iipisya kuluta vino yali pa kutandika. Avino cilaya ku antu aipe amu mukulo uu.”

Mateo 16:4

Antu amu mukulo uu nupya aipe asi na utailo yakalonda cilangililo ca cinjelengwe! Lelo kusi cilangililo icilapelwa kunoyali, suka sile cilangililo cakwe kasema Yona.” Lyene Yesu apita, ayasya.

Mateo 17:17

Yesu ayanena ati, “Ala! Uzye namaya namwe kufika lilaci? Mwe antu amu mukulo usi na utailo nupya uvulungane! Uzye namamutekelela kufika lilaci? Leta mwana wako mulumendo kunondi.”

Mateo 23:36

Cumi namunena vino mwe antu amu mukulo uu mulavunukwa pa vintu vii vyonsi viipe vino mwacita.

Mateo 3:7

Lelo lino walola Afaliseo na Asaduki aingi yakwiza kuno wawatizyanga, ayanena ati, “Mwe ana ya nzoka mwe! Uzye aweni uwamucelula kuti muutuke ukali wakwe Leza uno ukwiza?

Mako 10:14

Lino Yesu wacuvwa, akalipa, anena alondezi yakwe ati, “Lekini ana anono iize kunondi, mutayalesya, pano Uwene wakwe Leza uwakwe yao ali ndi yaa.

Mako 10:49

Yesu aimilila avwanga ati, “Mwamini.” Caleka yama impafu yati, “Teku mwenzo! Katuka, akukwama.”

Mako 9:19

Yesu ayanena ati, “Ala! Mwe antu amu mukulo usi na utailo! Uzye namaya namwe kufika lilaci? Uzye namamutekelela kufika lilaci? Muletini kunondi!”

Luka 8:25

Alino auzya alondezi ati, “Uzye utailo winu uli kwi?” Lyene yazunguka, yuvwa intete. Alino yuzyanya yati, “Uzye umuntu wii aweni? Wino angakalipila cipupu na maimbi, navyo vimuyela!”

Luka 9:40

Nali napapatila alondezi yako kuti yaufumye, lelo yali yaposiwa.”

Luka 9:42

Lino mulumendo acili akwiza, mupasi wankota umuponya pansi alino umutensya na maka. Alino Yesu akalipila mupasi wankota, apozya mulumendo, nga nupya amupeela kuli isi.

Yoane 14:9

Yesu amunena ati, “Nati nikala namwe nsita ntali, lelo Filipo wemo utamanyile nene? Wino wandola, walola na Tata kwene. Uzye pacani ukuti, ‘Tulange So?’

Yoane 20:27

Lyene anena Tomasi ati, “Ndu simpe umunwe wako paa nu kulola makasa yane. Tambika ikasa lyako ulipisye mu mbazo zyane. Taa ukutwisika, nga utaile!”

Milimo 13:18

na pa myaka makumi yani ala akuyasunga mu lwanga.

Milimo 2:40

Petulo ayasoka mu mazwi nayauze aingi nga nu kupapata ati, “Ituulini mweisikulu ku uvunuko uli nu kwiza pa antu aipe amu mukulo uu ukowele!”

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Malango 32:5

Lelo mwemo musi akutailwa, nupya mutalinzile ukuya antu yakwe, mwe luko lwa nkota nupya lwa usomvi.

Ayebulai 3:19

Lyene twalola vino yene yaposiwe kwingila mu kupuza kuku pano yatakweti utailo.

Ayebulai 4:11

Lekini lyene tucite consi cino tungacita kuti twingile mu kupuza kuku, pakuti kutaya umwi munotuli uwakuposiwa ndi vino cali kuli yaya pamulandu wa kuntataila kwao.

Ayebulai 4:2

Pano naswe kwene tuvwa Ilandwe Lisuma ndi vino yene yuvwile. Yene yuvwile landwe lelo litayacitile visuma vimwi, pamulandu wakuti lino yuvwile yatalipokelile nu utailo.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.