Luka 9:32 - Amazwi Yakwe Leza 2013

³² Petulo na auze yano wali nao ala yati yanyomelwa nu tulo. Lelo lino yazyuka yalola kuyengesa kwa lulumbi lwakwe Yesu na antu yaili aimi nawe.

Luka 9:32 ပူးပေါင်းရင်းမြစ်များ

Ezaya 60:19

“Asi lanzi foo lino lilakukozezya uku macaca. Asi mwezi foo uno ulakukozezya amanda pe. Ala anene kwene ne Yawe, nene sile ndakukozezya pee na pee. Nene sile ne mucindami, anene ndaya uluswepo lwako.

Danieli 10:9

Lyene lino nuvwile izwi lyakwe, impona pansi umu tulo utukulu, ala nu usyu wane ulozizye pa musili.

Danieli 8:18

Lino acili akulanda, impona pansi ala na mano yatiyapaama. Lelo Gabilieli andema, ankatusya nimilila.

Mako 14:40

Lyene lino wawela ku alondezi nupya kwene azana yakaswile, pano manso yao ala yati yanyoma nu tulo. Lelo yatali na cakuvwanga.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

2 Petulo 1:16

Kutali ukulaika utulai lino twamunenanga ivya maka nu kuwela kwa Mwene witu Yesu Klistu. Na manso itu twaweni ukulu wakwe.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.