Luka 9:18 - Amazwi Yakwe Leza 2013

¹⁸ Insita imwi Yesu wapepanga ala ali sile na alondezi yakwe. Yesu ayauzya ati, “Uzye antu yakati nene weni?”

Luka 9:18 ပူးပေါင်းရင်းမြစ်များ

Mateo 14:23

Pacisila lino waleka maumba yapita, apita aya akwela mwamba ku kupepa wenga. Lino kakuku katola wali wenga sile kweneko.

Mateo 26:36

Lyene Yesu na alondezi yakwe yaya ku cifulo cino camwangwa Getesemani, alino anena alondezi yakwe ati, “Ikalini paa lino nkuya pa nkolelo ku kupepa.”

Luka 11:1

Yesu wapepanga mu cifulo cimwi. Lino wamala, wenga uwamu alondezi yakwe amunena ati, “Mwene, tusambilizye kupepa, ndi vino Yoane Kawatizya wasambilizye alondezi yakwe.”

Luka 3:21

Pacisila lino antu yawatiziwa, Yesu nawe awatiziwa. Lyene walanga akupepa, iyulu lilekuka,

Luka 6:12

Mu manda yalya Yesu waile ku mwamba ku kupepa. Alola uca, ala akupepa kuli Leza.

Luka 9:19

Nao yaasuka yati, “Yamwi yakati wewe Yoane Kawatizya. Yamwi yakati wewe Eliya. Alino yamwi nao yakati wewe umwi wamuli yakasema yampiti uwatazyukuka kufuma ku afwe.”

Luka 9:28

Papisile umulungu kufuma lino Yesu walanzile vintu vii, Yesu asenda Petulo, Yoane na Yakobo yaya pa mwamba ku kupepa.

Luka 9:29

Lino acili akupepa, cinso cakwe ciloleka ciiyele, ni vizwalo vyakwe viyengesa cuze viya vitiswe wa luswepo.