Luka 9:16 - Amazwi Yakwe Leza 2013

¹⁶ Alino Yesu atoola mikate isano ni inswi ziili, alingamila kwiyulu, ataizya kuli Leza. Lyene amokoola mikate, apeela alondezi yakwe kuti yankanye antu.

Luka 9:16 ပူးပေါင်းရင်းမြစ်များ

Mateo 14:19

Alino apeela ilamulo ku antu kuti ikale pa masote. Alino Yesu atoola mikate isano ni nswi ziili, alingamila kwiyulu, ataizya kuli Leza. Lyene amokoola mikate, nga apeela alondezi yakwe nga nao yapela antu.

Mateo 15:36

Lyene atoola mikate cinimbali nu tuswi, nga pacisila ca kutaizya kuli Leza, aimokoola, apeela alondezi yakwe, nao yapela kwi iumba.

Mako 7:34

Lyene Yesu alingamila kwiyulu, aisya umwenzo, amuvwanzya ati, “Efata,” kuli kuti, “Yulika!”

Luka 22:19

Alino atoola umukate ataizya Leza, aumokoola, alino aupela kunoyali, avwanga ati, “Uu uli mwili wane, uwapeelwa pamulandu winu. Mwacita cii pa kunjiusya.”

Luka 24:30

Lyene lino watenzi nao pa cakulya, atoola mukate, ataizya, aumokoola, alino aupela kunoyali.

Luka 9:15

Lyene alondezi yateka antu pansi.

Luka 9:17

Onsi yalile iikuta. Lyene alondezi yasola imvungwa izyasile, yazuzya imise ikumi na iili.

Yoane 6:11

Yesu atoola mikate ataizya kuli Leza, nga aankanya antu yano atenzi penepo. Mu musango uli onga atoola inswi ataizya kuli Leza, nga aankanya antu suka vikumana mu antu yonsi kulingana na vino yalondanga.

Yoane 6:23

Alino amato na yauze, yao afumile ku Tibelyasi, yasuka iiza. Pali pipi na pa ncende pano Mwene wataizye kuli Leza pa mukate nu kupeela iumba kuti lilye.

Milimo 27:35

Pacisila cakuvwanga cii, Paulo atoola mukate, ataizya kuli Leza pa manso yao, aumokoola, nga atandika ukulya.

Loma 14:6

Wino wensi akacindikisya uwanda umwi, wene akacita cii mu kucindikilamo Mwene. Na wino wensi akalya cilyo cili consi wene akacita cii mukucindikilamo Mwene, pano akataizya Leza pa cilyo. Na wino wensi akakana kulya vintu vimwi, wene akacita cii mukucindikilamo Mwene nga nu kutaizya Leza.

1 Kolinto 10:30

Ndi nkataizya Leza pa vyakulya vyane, pacani umuntu muze anganenola pamulandu wa vyakulya vino nkapelelapo ntaizyo?”

1 Kolinto 11:24

ataizya kuli Leza, aumokoola, nga avwanga ati, “Uu, uli mwili wane, uno wapelwa pamulandu winu. Mwacita cii pa kunjiusya.”

1 Samueli 9:13

Lino mumaingila mu musumba mumamuzana ale atacili aye pa kavuwa pa mwamba ku kulya. Antu yatangatandika ukulya lino wene atacili waya kweneko, pano wene alinzile apolelele impolelwa lino yao amilwe yatali yalye. Fwandi pitini mutumbele umwamba, nga mumaya mukamuzane likwene.”