Luka 8:44 - Amazwi Yakwe Leza 2013

⁴⁴ Caleka aiiza kucisila cakwe Yesu, nga akumya kwi sempele lya nsalu yakwe, nga lilyo kwene cendamongo cisila.

Luka 8:44 ပူးပေါင်းရင်းမြစ်များ

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Mateo 20:34

Alino Yesu aya na mizu panozili, azilema mu manso, nga lilyo kwene nazyo zitandika kulola, zimulondela.

Mateo 8:3

Yesu atambalika ikasa lyakwe amulemelela, nga amunena ati, “Nkasi, pola!” Lilyo kwene umuntu apoziwa kuli tembwe,

Mateo 9:20

Umwanaci umwi uwalwile cendamongo pa myaka ikumi na iili aiiza kucisila cakwe Yesu. Alino akumya kwi sempele lya nsalu yakwe,

Mako 6:56

Lyene na konsi kuno Yesu wayanga, mu mizi, nu mu misumba, nu mu mpanga, antu yasendanga alwale nu kuyaleta mu musolo wa pi sokoni. Alino yamulenga kuti aleke alwale yaleme nanti kwi sempele lya cizwalo cakwe. Na yano yonsi alemileko yapoziwe.

Luka 13:13

Alino Yesu amwikapo makasa yakwe, nga lilyo kwene mwanaci aololoka alumbanya Leza.

Luka 7:38

aimilila kwi tundu ku mbali ya ngazo zyakwe Yesu, ala akulila, akuponyezya minsozi pa tuntunta twa ngazo zyakwe Yesu. Lyene akumbula ingazo zyakwe Yesu ni nyele zyakwe, azitonsola nga azipongolwela amafuta acinunu cisuma.

Luka 8:43

Kwali umwanaci umwi uwalwile cendamongo pa myaka ikumi na iili. Wasumvile vyuma vyakwe vyonsi kuli yasing'anga lelo kutali nanti wenga wakuti amupozye.

Luka 8:45

Yesu auzya ati, “Uzye aweni uwankumya?” Lino yonsi yakana, Petulo ati, “Kasambilizya, antu yonsi yati yakuunganila nu kukupupumila.”

Yoane 5:13

Lelo umuntu uwapoziwe wene atamanyile wino uwamupozizye, pano Yesu ongolwike kufuma mwi umba ilyali penepo.

Milimo 19:12

Nanti ivitambala, ni nsalu kwene zino wazwalanga ndi yatwala ku alwale, ndwala zyao zipola ni mipasi yankota ifuma munoyali.

Milimo 5:15

Pamulandu wa milimo ino atumwa yacitanga, antu yaleta alwale yao mu miseo yayalalika pa vitala na pa vintamba pakuti lino Petulo akupita, cinzingwa cakwe ciwile pali yamwi.

Malango 22:12

“Mulinzile mwasumilila amansenkewele ku masempele ya vyakuzwala vinu.