Luka 8:38 - Amazwi Yakwe Leza 2013

³⁸ Lyene umuntu wino mipasi yankota yafumilemo, apapata Yesu ati, “Leka nkulondele.” Lelo Yesu amukanya ati,

Luka 8:38 ပူးပေါင်းရင်းမြစ်များ

Masamu 116:12

Ivyani fwandi vino ningalipa kuli Yawe apa visuma vyonsi vino wancitila?

Masamu 116:16

Yawe, ala nene muzya wako, nemo nkakuombela vivi kwene vino mayo nawe wacitanga. Wemo watunsapula umunyololo, watunkulula.

Masamu 27:4

Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.

Masamu 32:7

Awewe uli cele lyane, awewe ukancingilila umu ntazi. Nemo awewe nkaimbila inyimbo zya ufyusi, pano ukancingilila.

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Luka 8:28

Lino walola Yesu apunda, afukama pa ngazo zyakwe Yesu alaizya ati, “Yesu we Mwana wakwe Leza uwa papelapela! Uzye ukulonda cani kunondi? Nakupapata, utancuzya!”

Luka 8:37

Lyene antu yonsi amu mpanga izingulwike Gelasa yapapata Yesu kuti afume mu mpanga yao, pano yuvwile intete cuze. Caleka Yesu apatama mu wato afumako.

Luka 8:39

“Pitanga kumwinu kanene antu cino Leza watakucitila.” Caleka umonsi apita mu musumba onsi, ala akunena antu cino Yesu watamucitila.

Filipi 1:23

Cili icitale kusolola. Nkulonda ukufwa kuti nje pamwi na Klistu, pano cii cazipisya kuluta.