Luka 8:35 - Amazwi Yakwe Leza 2013

³⁵ Alino antu yapita kuyalola cati cicitika. Lyene lino iiza kuli Yesu, yazana umonsi wino mipasi yankota yafumilemo, ala atenzi pa ngazo zyakwe Yesu, watazwala, nupya wali na mano ya untu. Alino onsi yuvwa intete.

Luka 8:35 ပူးပေါင်းရင်းမြစ်များ

Masamu 51:10

We Leza, mpeko umwenzo wa kuyela uwike munondi umwenzo upya uposye.

Ezaya 53:12

Ali mulandu kwene uno nani ndamuteka pamwi apa cindame, apakasi ka yacindami nupya a maka. Pano umweneco kwene uwayazumilizye ukuti yangamukoma nu kuti yamucitile icili conga ni ntalanganyi. Fwandi aliwe wasungutile pali yakaifya avule apakuyapapatilako apa kwifya kwao.

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Mako 5:15

Lyene lino iiza kuli Yesu, yalola umuntu uwali ni mipasi yankota, atenzi papa kwene, watazwala, nupya wali na mano ya untu. Alino yonsi yuvwa intete.

Luka 10:39

Mata wakweti umwina wakwe kaci izina lyakwe a Maliya, uwatenzi pipi ni ngazo zya Mwene, ala akuuvwa kuli vino wasambilizyanga.

Luka 15:17

Lyene lino amano yamuzana aelenganya mu mano yakwe ati, ‘Aomvi yakwe tata yonsi yakalya yakwikuta na vimwi vikasyala, lelo nemo kuno namafwa kunzala!

Luka 2:46

Pa wanda uwalenga yatatu alino yamuzana mu Ng'anda ikulu yakwe Leza, ala atenzi na yakasambilizya, akuuvwa nu kuuzya mauzyo.

Luka 8:27

Lino Yesu wapatukila pa cituntu, umuntu umwi uwali ni mipasi yankota afuma mu musumba aiiza amukomanya. Apa nsita ntali umuntu wii wapitanga tupu nupya atikalanga mu ng'anda, suka ku malindi.

Luka 8:34

Lino acemanga yakapoli yalola icacitika, yasimula yaya yalanda vintu vii mu musumba nu mu mizi yapalime.

Milimo 22:3

“Nene Muyuda, uwavyalilwe mu Taliso muzi uwamu Kilikya, lelo nakulila kuno mu Yelusalemu. Gamalieli uwali kasambilizya wane. Nasambilile ningo masunde ya vikolwe vitu, nupya naipela cuze kuli Leza ndi vino mwensi mukacita, mwemuno muli pano ilelo.

1 Yoane 3:8

Wino wensi akatwalilila kwifya wene uwakwe Ciwa. Pano Ciwa wifizye kufuma ku utandiko kwene. Mwana wakwe Leza walolike pamulandu kwene uu, kuti aonone vino Ciwa wacita.