Luka 8:32 - Amazwi Yakwe Leza 2013

³² Lyene kwali ufyo ukulu wakwe yakapoli mu pipi, ala ukulya umu mbali ya mwamba. Caleka mipasi yankota ipapata Yesu kuti aizingile muli yakapoli, kuti amuno ikingile. Nawe aileka ipita.

Luka 8:32 ပူးပေါင်းရင်းမြစ်များ

1 Yamwene 22:22

“Yawe nawe awuzya ati, ‘Uzye umaya ukamulyombeleke uti uli?’ Mupasi wasuka uti, ‘Namaya nkaleke yakasema yakwe Aabu yaseme vyaufi.’ “Lyene Yawe avwanga ati, ‘Icisuma, fwandi pitanga kamulyombeleke, nawe amaya akuvwe, akazumile.’ ”

Yobo 1:10

Uzye asi wewe kwene ukamucingilila pamwi ni vyuma vyakwe vyonsi? Ukapolelela icili consi cino akacita. Icalenga ni viteekwa vyakwe visanduluke mu mpanga yonsi.

Yobo 1:12

Lyene Yawe anena Satana ati, “Icisuma, nakuzumilizya ukucita Yobo icili consi cino ungatemwa ukumucita. Lelo kwene umwisikulu utezya kumukoma.” Lyene Satana ali pakufuma, asya Yawe nga apita.

Yobo 2:6

Yawe nawe anena Satana ati, “Ale fwandi umucite icili consi cino we mweneco ukulonda. Cikulu sile utezya kumukoma.”

Masamu 62:11

Kwaya sile icintu conga cino Leza akakonkowezya penepo, cino nani namasambilila mwenemo ivintu viili. Acico icakuti, wewe Leza uli mweneco wa maka,

Ezaya 65:4

Apa nsita ya usiku yene yakaya uku macele nu mu malindi. Ali muno yaya yapandwa amano ku mipasi ya afwe. Lyene alino yalya kapoli nu kumwelapo umusunyi wa nyama zikowele, zino yakatuula impolelwa.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Aina Levi 11:7

Mutakezye ukulya kapoli pano wene uwamifitalila kunomuli, pamulandu wakuti nanti angala wakwata inkamba zipanduke, wene asilukizya.

Mateo 7:6

“Mutapela yasimbwa vintu vyamuzilo, pano yalaseleukila kunomuli yamulume. Mutapela yakapoli vintu vicindame wa mawe yamutengo, pano yene yalavilyatola.

Luka 8:31

Mipasi yankota ipapata Yesu kuti ataizingila ku ciwina caula impela.

Luka 8:33

Lyene mipasi yankota ifuma mu monsi nga iingila muli yakapoli. Alino ufyo onsi utantamukila ku lwema, uponela muli yemba, umwela.

Yoane 19:11

Yesu amunena ati, “Utangaya ni nsambu panondi, suka ndi nsambu yapeelwa kunuli kufuma kuli Leza. Caleka wino uwatapela nene kunuli ali ni iifyo likulu kuluta.”

1 Yoane 4:4

Lelo mwe ana yane, mwemwe yakwe Leza. Mwemo mwacimvya mpiti yakasema yaufi, pano Mupasi uwaya muno muli wene uwamaka kuluta Mupasi utazumila Klistu uli muli yao amu nsi.

Umbwilo 20:7

Pacisila lino myaka izimbi lyonga yasila, Ciwa alasapulwa mu ng'anda yaminyololo.