Luka 8:25 - Amazwi Yakwe Leza 2013

²⁵ Alino auzya alondezi ati, “Uzye utailo winu uli kwi?” Lyene yazunguka, yuvwa intete. Alino yuzyanya yati, “Uzye umuntu wii aweni? Wino angakalipila cipupu na maimbi, navyo vimuyela!”

Luka 8:25 ပူးပေါင်းရင်းမြစ်များ

Mapinda 30:4

Uzye aweni uwatala wakwela ukwiyulu, alino nupya awelako? Uzye aweni uwatala wafumbatapo umuza? Uzye aweni uwatala wanyepa amanzi umu nsalu yakwe? Uzye aweni uwatesile impela ya nsi? Uzye wiyo, Izina lyakwe aweni, nupya amwana weni? Acino londolola ndu manyile!

Mapinda 8:29

na lino wene wisile yanande yakwe yemba umwakuti amanzi yapelela, nemo apano nali. Lino watungilile insi nu lucesi, nemo apano nali.

Mateo 14:31

Lilyo kwene Yesu atambika ikasa amulema. Alino amunena ati, “We wa utailo unono, uzye pacani watwisika?”

Mateo 17:20

Alino nawe aasuka ati, “Apamulandu wakuti mukweti utailo unono.” Cumi namunena vino, “Ndi mukweti utailo nanti unono wa lumbezu lwakwe musunta, munganena umwamba uu muti, ‘Sungutila’ nga nao ulasungutila. Kusi cimwi cino mungaposiwa kucita.” [

Mateo 6:30

Leza akazwika isote lyamu mpanga, ililipo ilelo na mutondo lisontekwa umoto. Uzye wene atalalusya kuzwika mwemwe, mwe ya utailo unono?

Mateo 8:10

Lino Yesu uvwa cii, azunguka cuze, anena yano amusukilile ati, “Namunena vino ntatala nalola umuntu wa utailo wakwe uu.

Mateo 8:26

Yesu ayanena ati, “Mwe ya utailo unono! Uzye pacani muvwa intete?” Lyene Yesu akatuka, alesya cipupu na maimbi, nga kuya cele.

Mako 4:35

Uwanda uwa kwene manguzi Yesu anena alondezi yakwe ati, “Tuini tulambe ku mbalama yakwe yemba.”

Luka 12:28

Leza akazwika isote lyamu mpanga, ililipo ilelo na mutondo lisontekwa umoto. Uzye wene atalalusya kuzwika mwemwe, mwe ya utailo unono?

Luka 8:24

Nao yamuzyula, yati, “Kasambilizya, Kasambilizya! Tuli pipi nu kuundwa.” Yesu azyuka, alesya cipupu na maimbi, navyo vimyalala nga kuya cele.

Luka 8:26

Yesu na alondezi yakwe yafika ku mpanga ya Gelasa, ino iloline ni mpanga ya Galile.

Yoane 11:40

Yesu amuuzya ati, “Uzye ntakunenyile vino ndi wataila umalola lulumbi lwakwe Leza?”