Luka 8:24 - Amazwi Yakwe Leza 2013

²⁴ Nao yamuzyula, yati, “Kasambilizya, Kasambilizya! Tuli pipi nu kuundwa.” Yesu azyuka, alesya cipupu na maimbi, navyo vimyalala nga kuya cele.

Luka 8:24 ပူးပေါင်းရင်းမြစ်များ

Masamu 65:7

Wewe ukamyalalika imiza pali yayemba kumwi na maimbi ni mpokoma zya antu.

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Yelemiya 5:22

Nene indi Yawe. Uzye lyene pacani cino musioopa nene? Uzye pacani cino musizakaza pa manso yane? Nemo nisile umusensenga uwamu nkumba yakwe yemba kuya ali nande kuli yemba, nande wakuyelelela wino mutalatala muciluke. Amayimbi yakwe yemba yangakatuka, lelo suka yaposiwe. Nanti yangapooma uli, lelo yatange yaciluke, awe.

Naumi 1:4

Wene akapeela yemba ilamulo, nga nawe apwa! Wene akakamya inguzi. Ni vimelwa vyamu vyalo vyaku Basyani nu ku Kalimeli avyumika. Na maluwa aku Lebanoni yafooka.

Mateo 14:30

Lelo lino walola vino kwaya cipupu, auvwa intete, atandika kutuwila, nga akuta ati, “Mwene, ntuule.”

Mateo 8:25

Lyene alondezi yakwe yaya kunoli, yamuzyula yati, “Mwene tutuule, pano tuli pipi nu kuundwa!”

Mako 4:39

Yesu akatuka, alesya cipupu ati, “Myalala!” Alino anena na maimbi ati, “Lalini!” Lyene cipupu cimyalala, nga kuya cele.

Luka 4:35

Yesu akalipila mupasi wankota ati, “Myalala, fuma mu muntu wi!” Mupasi wankota umuponya pansi ala yakulola, alino ufuma kwaula kumucisa.

Luka 4:39

Nawe aya aimilila pa mbali ya musanzi wakwe alesya impepo, nayo isila. Lyene lilyo kwene umulwale akatuka, atandika nu kuyapela ivyakulya.

Luka 5:5

Simoni aasuka ati, “Kasambilizya, twati tuomba usiku onsi lelo tutumile nanti imwi. Lelo apizwi lyako namateya amasumbo.”

Luka 8:25

Alino auzya alondezi ati, “Uzye utailo winu uli kwi?” Lyene yazunguka, yuvwa intete. Alino yuzyanya yati, “Uzye umuntu wii aweni? Wino angakalipila cipupu na maimbi, navyo vimuyela!”