Luka 8:2 - Amazwi Yakwe Leza 2013

² pali pamwi na anaci yamwi yano wapozizye kufuma ku mipasi yankota ni ndwala zyuze. Anaci yaa yali a Maliya (Wino yatangi waku Magadala), wino mipasi yankota cinimbali yafumiwe munoli.

Luka 8:2 ပူးပေါင်းရင်းမြစ်များ

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Mako 16:1

Lino Sabata lyapita, Maliya uwaku Magadala, na Salome, na Maliya nyina wakwe Yakobo, iyakala vya mununko usuma vya kuya paka icala cakwe Yesu.

Mako 16:9

Pacisila lino Yesu wazyukuka kufuma ku mfwa, katondo tondo pa wanda wakutandika mulungu, aloleka inkolelo kuli Maliya uwaku Magadala, wino wafumizyemo mipasi yankota cinimbali.

Luka 23:27

Iumba likulu lilondela Yesu. Pakasi kao pali anaci alosyanga ni mpoma pamulandu wakwe.

Luka 23:49

Lelo yano onsi amanyile Yesu, pamwi na anaci yano amulondile kufuma ku Galile, iimilila katalamukila ala yakulola vintu vii.

Luka 23:55

Anaci yano alondile Yesu kufuma ku Galile yapita na Yosefu kuya lola ilindi na vino icala cakwe Yesu calalikwa.

Luka 8:30

Lyene Yesu amuuzya ati, “Uzye izina lyako wewe weni?” Nawe aasuka ati, “Izina lyane nene Mazimbi,” pano mipasi yankota iingi yalanga iingila munoli.

Yoane 19:25

Pipi nu lupanda lwakwe Yesu paimi nyina wakwe Yesu, na kaci muze mwina wakwe nyina, na Maliya muka Keleopa, nga na Maliya uwaku Magadala.

Milimo 1:14

Onsi yakongananga lyonsi ku kupepa pamwi wiumba, pali pamwi na anaci nga na Maliya nyina wakwe Yesu nga na ina yakwe Yesu.