Luka 8:15 - Amazwi Yakwe Leza 2013

¹⁵ Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Luka 8:15 ပူးပေါင်းရင်းမြစ်များ

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Masamu 51:10

We Leza, mpeko umwenzo wa kuyela uwike munondi umwenzo upya uposye.

Mapinda 3:1

Mwanane utailila vino nkukusambilizya, lelo lyonsi sile uwaiusya vino nakunena ukucita.

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 32:29

Nupya aina Babiloni, yano yakulwisya umusumba uu, yamaiza yawoce kumwi na mang'anda, yano yocelanga Baali ubani apa mapaala yao pakunsosya umwenzo, alino na pakutuulila tuleza tuze ivya wila ivili wa vyakumwa.

Mateo 24:13

Lelo wino wensi alaposya kufika nu ku mpelelekezyo wene alatuulwa.

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Luka 6:45

Muntu musuma akafumya vintu visuma pamulandu wa visuma vyaya mu mwenzo wakwe. Muntu mwipe nawe akafumya vintu viipe pamulandu wa viipe vyaya mu mwenzo wakwe. Pano mulomo ukavwanga vintu vizile mu mwenzo.

Luka 8:14

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi wamu nsi ii, nu ukama, nga nu kuipakizya kwa umi uu, viza vitotola mazwi nga ni vizao vyakweyo visyaca.

Luka 8:16

“Kusi umwi akakozya ilampi nu kulitupika mu nyungu, nanti kuliika mwi zungu. Lelo akaliika pa sanzame pakuti antu yangalola uluswepo lino yakwingila.

Yoane 14:15

“Ndi mwantemwa mwayela masunde yane.

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Loma 6:22

Lelo ndakai mwakululwa kwi iifyo, nupya mwati muya azya yakwe Leza. Acino muzano uno mukweti umi wa kuipelesya kuli Leza, nga ni cikafumamo, umi wape.

Loma 7:18

Namanya na vino usuma utaya munondi, kuli kuti mu untunze wane. Pano nanti angala nkulonda kucita cisuma, nkaposiwa kucicita.

Loma 7:4

Ali vino cili na kuli mwemwe mwe inane. Pano mwemwe vilundwa vya mwili wakwe Klistu, mwafwa pamwi naliwe ku Masunde yakwe Mose. Ndakai mwemwe yakwe Klistu, wino uwazyukwilwe kufuma ku afwe, pakuti twatumikila Leza ningo.

Loma 8:25

Lelo ndi tukupaalila cino tusikulola, ale tukulolela mukuteka mwenzo.

1 Kolinto 7:19

Pano muntu ndi wasilamulwa nanti foo, cisyakusenula nanti cimwi. Cikalamba ukuyela masunde yakwe Leza.

Efeso 2:8

Pano mwatuuzilwe ni cikuku cakwe Leza lino mwataile.

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Kolose 1:6

Ilandwe Lisuma likutwalilila kuleta upolelelo nupya likusalangana mu nsi yonsi, ndi vino likacita lyonsi pakasi kinu kufuma pa wanda uno mwatandike kuvwa pa cikuku cakwe Leza nu kucimanyikisya vino caya.

Ayebulai 10:36

Mulinzile kuteeka myenzo, kuti mucite kulonda kwakwe Leza nu kupokelela cino walaya.

Ayebulai 2:1

Cili cino tulinzile kwika mano cuze ku mazwi ya cumi yano tuuvwa, nu kukana tintilwa kuze.

Yakobo 1:4

Musininkizye ukuti utailo winu watwalilila kwaula kutonta, pakuti mukule, muye afumaluke, antu atulilwa cimwi.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.