Luka 8:13 - Amazwi Yakwe Leza 2013

¹³ Imbezu izyaponile pa lwala, antu yano akauvwa mazwi yakwe Leza, nu kuyapokelela nu luzango. Lelo mazwi yakwe Leza yasiingila nu kwika misisi mukasi ka myenzo yao. Caleka lino nsita yakweziwa yafika, yanenuka.

Luka 8:13 ပူးပေါင်းရင်းမြစ်များ

Yobo 19:28

Uzye sweswe tukumucuzya, asi mwakufisama sile, umweneco wailetelela sile!

Mapinda 12:12

Ing'anda isuma yi lali ikaononeka uku aipe, lelo umufula wa muntu musuma usitengana.

Mapinda 12:3

Umuntu asiulwa kuteletenta apakucita iifyo, lelo umufula wakwe yakacita ya vyaololoke wazyansya ndi.

Ezaya 58:2

Ukuya kwene yakampepa muno wacela, yakaitakizya na pakulondela amasunde yane, nga na pakucita ivilungame. Yakampapatila ukuti nayapolelela nu kuyapeela amasunde alinzile.”

Ezekelo 33:32

Kuli alio waya wa lwimbo lwa citemwiko, luno yakaimba usaka nu kulizya ingoma. Pano yene yakauvwa amazwi yako, lelo kusi nanti wenga wino akayalondela.

Oseya 6:4

Lelo Yawe akuti, “Mwe aluko lwakwe Efulemu, uzye icani cino namamucitila? Namwe mwe aluko lwakwe Yuda, uzye icani cino namamucitila? Ukutemwa kwinu kuli wakwe kungwi, wino akasalangana umu katondo, kukoline nu lumi ulukakuntika katondotondo.

Mako 6:20

oopanga Yoane pano wamanyile vino Yoane wacitanga ivyawololoke nupya wali uwamuzilo. Caleka amucingilila. Watemwanga kuvwa kunoli, nanti angala vino walandanga vyamuzungulanga.

Luka 8:12

Imbezu izyaponile mu nzila, antu yano akauvwa mazwi yakwe Leza. Lelo Ciwa aiiza afumya mazwi yonsi mu myenzo yao, pakuti yatataila nu kutuulwa.

Luka 8:14

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi wamu nsi ii, nu ukama, nga nu kuipakizya kwa umi uu, viza vitotola mazwi nga ni vizao vyakweyo visyaca.

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Yoane 15:6

Wino wensi asyaikala munondi wene alasumbwa wa musambo nu kunyala. Antu yakakolonganika misambo ndi vino uu, yaisumba mu moto, muno ikapya.

Yoane 5:35

Yoane wakoline wa kuyengesa kwi lampi lino likwaka, nga namwe mutemwa kuzangila mu luswepo lwakwe pa nsita inono sile.

1 Kolinto 13:2

Ningakwata uwila wa kusema, ningakwata kumanya konsi nga nu kumanyikisya nkama zyonsi. Ningakwata utailo ukulu ukalondekwa pakuti nsezye myamba. Lelo ndi ntakweti kutemwa, ale pasi vino indi.

1 Kolinto 15:2

Mulatuulwa ni Landwe Lisuma kwene lii ndi mukuyela mazwi yakwe Leza yano nakosozile kunomuli, ndi cisi vivyo ale mwazumila pa silesile.

Galatiya 3:1

Mwe ina Galatiya viwelewele mwe! Uzye aweni watamupumvyanya? Nalondolola ningo pa manso inu mulandu wa mfwa yakwe Yesu Klistu pa lupanda!

Galatiya 3:4

Uzye vintu vino mwapitangamo vitakusenula cimwi? Mu cumi pali vino vikusenula!

Efeso 3:17

Nupya nkupepa kuti Klistu aikala mu myenzo inu pa kutaila kwinu kuti muzyansye nu kwika misisi mu kutemwa kwakwe.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Kolose 2:7

Ikini misisi munoli, nu kuleka kuti wene aye mufula wa umi winu. Muye akomeleke mu utailo winu, wakwe vino mwasambiliziwe. Nupya mulinzile kutaizya cuze.

1 Tesalonika 3:5

Uli mulandu uno natumile Timoti. Naposiwe kulolela. Caleka namutumile kuti aiize alondelezye nu kumanya ningo vya pa utailo winu. Cumi kwene nemo napaalile ukuti Ciwa atatunsile mwemwe nu kulenga mulimo witu kuya uwasilesile.

1 Timoti 1:19

nupya sunga utailo wako nu kukwata mwenzo usuma. Antu yamwi yasyatontela yakampingu yao. Acino yene yonona utailo wao.

Ayebulai 10:39

Swemo tusi antu yano akamufutatila nu kulowa. Lelo tukweti utailo ukuti twatuulwa.

Yakobo 2:26

Caleka, vino mwili uwaula mupasi ala ufwe, vivyo kwene nu utailo uwaula milimo isuma nao ufwe.

2 Petulo 2:20

Lino antu yasambilile pali Yesu Klistu, Mwene nupya Katuula witu, yene yatuuzilwe ku vintu vikowele ivyamu nsi. Lelo nupya ndi yalemwa nu kutungululwa ni vintu vii ivya winyi, ale lyene yali mu mwata uwipisye kuluta vino yali nkolelo.

2 Petulo 2:22

Icayacitikile cikulanga ukuti mapinda yaa acumi. Ipinda limwi likati, “Simbwa akaswilila ku kulya malusi yakwe,” nga nalyuze likati, “Kapoli ndi wafulwa nawe akaswilila ku kuivumvunya mu ntipa.”

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.

Yuda 1:12

Antu yaa, mu vicitwa vyao vyansonyi yakolana na maala akowele lino mu kulya nao vimulo vinu vya utandano. Yakaisakamala sile aisikulu. Yakolana na makumbi akaululwa nu muza, lelo yatangaleta imvula. Yakolana ni miti isyaseeka vizao pa nsita yakweyo, ino yuuma, yatukulwa kumwi na masinte.