Luka 7:38 - Amazwi Yakwe Leza 2013

³⁸ aimilila kwi tundu ku mbali ya ngazo zyakwe Yesu, ala akulila, akuponyezya minsozi pa tuntunta twa ngazo zyakwe Yesu. Lyene akumbula ingazo zyakwe Yesu ni nyele zyakwe, azitonsola nga azipongolwela amafuta acinunu cisuma.

Luka 7:38 ပူးပေါင်းရင်းမြစ်များ

Utandiko 18:4

Lekini yalete utumanzi mufulale ingazo, nga mutale mupuze mu cisao ca muti uu.

Ezila 10:1

Lino Ezila acili akupepa nu kuilongwela amaifyo yakwe, ala akulila nu kuisumba pansi inkolelo ya Ng'anda yakwe Leza, iumba likulu lya ina Izlaeli aonsi, na anaci na ana yao yamuunganila. Nayo kwene yalila aminsozi nu ulanda ukulu cuze.

Masamu 38:18

Kwene nkuilongwela ukwifya kwane, nu kusakamala nene musakamale apa kwifya kwane.

Masamu 51:17

Ali cino fwandi nemo impolelwa yane, ukulapila kwa mu mwenzo, usisula umwenzo uwakutontelela mu kuzenzuka.

Kasambilizya 9:8

Lyonsi uwazwala ivitiswe, nu kupaka amafuta apa manso, apakulanga insansa nu luzango.

Lwimbo lwakwe Solomoni 1:3

Mafuta yako akupakala yakanunkila ningo. Cinunu cii nkaciusya ndi nuvwa izina lyako. Uli mulandu uno akazyana yakutemelwa.

Ezaya 57:9

Mukatala imuinonya amafuta ni vintu vyuze ivya cinunu cisuma, alino imuya umu kupepa Moleki kaleza kaluwi. Apakuzana tuleza kwene utuluwi tuno mukapepa, mwemo mukatala imutuma inkombe izya kutali. Ala mukazituma sile waku mazyamo.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Yowelo 2:12

Lelo Yawe wavwanga wati, “Nanti cili vivyo, welini kunondi nu mwenzo winu onsi, ale mwatimufunga ukulya nu kuponya aminsozi, nga nu kuililila ulanda ulanda.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Mateo 5:4

Alongo antu yano yakauvwa ulanda. Pano Leza alayasansamusya.

Luka 22:62

Alino Petulo afumila panzi, nga alila minsozi nu ulanda ukulu cuze.

Luka 6:21

“Alongo amwemwe mwe munomuli ni nzala ndakai. Pano mulikuta! Alongo amwemwe mwe muno mukulosya ndakai. Pano mulatekeziwa!

Luka 7:37

Lolini mu musumba ulya mwali umwanaci uwali cizelele. Uvwile vino Yesu akulya mu ng'anda ya Mufaliseo. Caleka aleta musazi wa mafuta amununko usuma,

Luka 7:39

Lino Mufaliseo uwamwamile walola cii, aivwanzya umwisikulu ati, “Ndu muntu wii akasema, wange amanye umwanaci wii akumukumya. Wange amanye nu musango wa umi wa ukakasi uno waya nao, pano wene wali a cizelele.”

Yoane 11:2

Maliya wii ali wiyo uwapongolwile amafuta acinunu cisuma pa ngazo zyakwe Yesu nu kuzikumbula ni nyele zyakwe. Lazalo uwalwile wali a kalume wakwe.)

Yakobo 4:9

Muye nu ulanda, mwalosya nu kulila minsozi. Tini kuseka, tandikini kulosya. Tini kuzanga, tandikini kukungumala!