Luka 7:28 - Amazwi Yakwe Leza 2013

²⁸ Namunena nati, mu antu yonsi avyalwa mu nsi ii, kusi umuntu wino alusile Yoane. Lelo wino ali munono mu Wene wakwe Leza, wene ali mukulu kuluta Yoane.”

Luka 7:28 ပူးပေါင်းရင်းမြစ်များ

Mateo 11:11

Cumi namunena vino, mu antu yonsi avyalwa mu nsi ii kusi umuntu wino alusile Yoane Kawatizya. Lelo wino ali munono mu Wene wa mwiyulu, wene ali mukulu kuluta Yoane.

Mateo 3:1

Mu manda yalya Yoane Kawatizya aloleka, ala akukosola mu lwanga lwamu Yudeya,

Luka 3:16

Caleka Yoane anena yonsi ati, “Wino akwiza pacisila cane wene uwa maka kunduta. Ntaine kwinama nu kusapula mikonda ya ndyatu zyakwe. Nemo nkumuwatizya na manzi, lelo wene alamuwatizya na Mupasi Wamuzilo nu moto.

Luka 7:27

Pano Yoane awino calembwa mu malembelo pali aliwe cati, ‘Leza wavwanzile ati, Ndatuma nkombe yane ikukolelele, kuti ikateyanye inzila yako.’

Luka 7:29

Lyene antu yonsi na yakasonkesya kwene lino yuvwa yazumila ukuti Leza umololoke pano yawatiziwe na Yoane.

Luka 9:48

ayanena ati, “Wino wensi akazengela umwana munono wakwe wii pamulandu wane, ala wanzengela. Na wino wensi uwanzengela, ala wazengela wino uwantuma. Pano wino ali munono kuluta pali mwemwe mwensi, wene ali mukulu.”