Luka 6:6 - Amazwi Yakwe Leza 2013

⁶ Pa Sabata lyuze Yesu waile mu ng'anda ya mapepo nu kusambilizya, umwali umuntu uwali ni cizanza cilemale cilunji.

Luka 6:6 ပူးပေါင်းရင်းမြစ်များ

1 Yamwene 13:4

Lino umwene Yeloboamu uvwa vivyo vino kasema wakwe Yawe akupundilila kavuwa kaku Betele, afumya ikasa lyakwe pa kavuwa nga alikonzolola, nga avwanga ati, “Mulemini!” Lelo papo kwene ikasa lino umwene wasontela umuntu ilyuma, cakuti aposiwa nu kuliwezya.

Zakaliya 11:17

Kalanda kuli kacema wii ciwelewele ca muntu! Wene watatazyela imfwele! Maka yakwe yalasilila umu nkondo. Ikasa lyakwe liluuma liye na ndi, na manso yakwe yalapafula!”

Mateo 4:23

Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi.

Luka 13:10

Pa Sabata Yesu wasambilizyanga mu ng'anda imwi ya mapepo.

Luka 14:3

Lyene Yesu auzya inkonkotela zya Masunde na Afaliseo ati, “Uzye Masunde itu yatuzumilizya ukupozya pa Sabata nanti foo?”

Luka 4:16

Lyene Yesu waile ku Nazaleti kuno wakulile. Pa Sabata, aingila mu ng'anda ya mapepo, umwaelile mwata wakwe, nga aimilila kuti awelenge.

Luka 4:31

Yesu waile ku Kapenaumu, ku muzi uwaku Galile, nga pa Sabata asambilizya antu.

Luka 6:1

Uwanda umwi pa Sabata Yesu wapitanga asalala mu vyalo vya ngano. Alino alondezi yakwe yatandika kutinkula misakinta ya ngano. Lyene yapukusa mu minwe yao, nga yalya.

Luka 6:5

Lyene Yesu amalila na mazwi yakuti, “Mwana wa Muntu wakwata maka akupingula vya kucita pa Sabata.”

Yoane 5:3

Mu nkungu mwalalanga alwale aingi, ni mpafu, yakasinta, ni vilema vya misango na misango, nga ni vite. [Yene yalolelanga kuvundolwa kwa manzi,

Yoane 9:16

Yamwi amu Afaliseo yavwanga yati, “Umuntu uwali wacita cii atafuma kuli Leza, pano asyayela isunde li Sabata.” Lelo yauze yati, “Uzye kaifya angacita uli vilangililo wakwe vii?” Alino mukasi kao yapalukana.