Luka 6:30 - Amazwi Yakwe Leza 2013

³⁰ Pela kuli wensi wakulenga icintu cimwi. Muntu umwi ndi watola icakwako, utamuzya kuti akuwezezye.

Luka 6:30 ပူးပေါင်းရင်းမြစ်များ

Masamu 112:9

Waya ni nkumbu uku alanda, nga nu luse lwakwe nalo ulwa muyayaya. Alakwatisya amaka nu kucindikwa alacindikwa.

Masamu 41:1

Walongo umuntu wiyo akasakamala mupina nu mulanda, Yawe nawe alamukulula uwanda wa ntazi.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Mapinda 21:26

Wiyo uwasula Leza, lyonsi akakumbwa. Umusuma wene akapeela, asiima foo.

Mapinda 22:9

Kapela wa luse akapolelelwa, pano wapeela umulanda icakulya cakwe.

Kasambilizya 11:2

Uwaika uculuzi wako mu ncende zivule, endi mu ncende zivule, pano we muntu utange umanye isyamo lino lilakuponela mu nsi ii.

Kasambilizya 8:16

Lyonsi lino nezizye ukuti inje uwamano, alino nu kusambilila ivikacitika umu nsi, nilwike inzana ukuti ungamala amanda avule ukwaula kukasula.

Mateo 18:35

“Mu musango uli onga avino Tata uwa mwiyulu alamucitila ndi musyakwelela anyonko ni myenzo yonsi.”

Mateo 5:39

Lelo nemo namunena nati, mutacita cilanduzi ku muntu mwipe. Muntu umwi ndi wakuuma pi tama lilunji, musenwile ni limani kwene, kuti aumepo.

Mateo 6:12

Utwelele maifyo itu vino naswe tukaelela yano akatwifya.

Luka 11:41

Lelo pelini vino vili mu mbale ku apina, alino myenzo inu imasanguluka.

Luka 12:33

Kazyini vyonsi vino mukweti, mupele impiya ku apina. Ilondelini vikwama visyapunguka. Nu kusunga vyuma vinu mwiyulu muno vitalatala vipunguke, pano aiivi yatangafikako nu kwiya, nu wonyi nao utangalya vyuma vivyo.

Luka 18:22

Lino Yesu uvwile cii, amunena ati, “Kuli cintu conga sile cino ulizya. Kakazye vyonsi vino wakwata ukapeele ni mpiya zino ulazana ku apina, nga ulaya ni vyuma mwi yulu, lyene wize undondele.”

Luka 6:29

Muntu umwi ndi wakuma pitama lyonga, leka akume nu kulyuze kwene. Muntu umwi ndi watola ikoti lyako, leka atoole ni laya kwene.

Luka 6:31

Vino mungatemwa kuti antu yamucitile avino namwe kwene mwayacitila.

Luka 6:38

Pelini, namwe mulapelwa. Mulapelwa cilingilo cisuma cisindelwe, cakuti musakatile. Pano cilingilo cino mukalingila auzo, acino namwe Leza alamulingila.”

Milimo 20:35

Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.