Luka 6:28 - Amazwi Yakwe Leza 2013

²⁸ Polelelini yano akumutipwila nupya pepelini yano akumucuzya.

Luka 6:28 ပူးပေါင်းရင်းမြစ်များ

1 Yamwene 13:6

Umwene nawe pali pakunena kasema wakwe Leza ati, “Mpapatila kweneko kuli Yawe Leza wako pakuti inje namaka akuwezya ikasa lyane.” Awe kasema wakwe Yawe amupapatila kuli Yawe ni kasa lyakwe liya vino lyali mpiti.

Ezekelo 25:15

Yawe Simwandalali wavwanga wati, “Pamulandu wakuti aina Filisti yailandula pa kucita cilanduzi ni myenzo iyazula umusaalula, pano yezya ukucita uononyi nu lupato, nani fwandi nkanjalovye.

Ezekelo 36:5

Nemo ne Yawe ninkalipila wakwe cimwi antu ya mitundu iyaya umu mbali, maka maka Edomu awino nacizyapo. Antu pamulandu ni cilumba cao ni misula yao yapoka impanga yane, ni ncende zya kucemelamo iviteekwa zyasanguka izyao.

Mateo 5:44

Lelo nemo namunena nati, temwini anisi inu, pepelini yano akamuzunya,

Luka 23:34

Lyene Yesu avwanga ati, “Tata, uyelele, pano yatamanyile cino yakucita.” Lyene pakwankana vizwalo vyakwe yapendola.

Luka 6:27

“Lelo mwe muno mukunguvwa namunena nati, temwini anisi inu, nu kucita cisuma kuli yano amupata.

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Milimo 14:5

Lyene Akulukuwa na Ayuda pamwi ni ntunguluzi zyao, yuvwana kuti yayakatukile nu kuyatama na mawe.

Milimo 7:60

Alino afukama pansi asazinka izwi likulu ati, “Mwene! Utayapeela mulandu pi ifyo lii.” Walanga wavwanga vii, afwa.

Loma 12:14

Pepini kuli Leza kuti apolelele yao akumuzunya. Endi, pepini kunoli kuti atayatipwila, lelo ayapolelele.

1 Kolinto 4:12

Tukavuneka ni milimo ikome kuti tuilisye. Lino antu yatutipwila, swemo tukalenga Leza kuti ayapolelele. Lino antu yatuzunya, swemo tukaposya.

Yakobo 3:10

Ntaizyo nga ni ntipu zikafuma mu mulomo uli umwi kwene. Inane cii citalinzile kucitika!

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.