Luka 6:21 - Amazwi Yakwe Leza 2013

²¹ “Alongo amwemwe mwe munomuli ni nzala ndakai. Pano mulikuta! Alongo amwemwe mwe muno mukulosya ndakai. Pano mulatekeziwa!

Luka 6:21 ပူးပေါင်းရင်းမြစ်များ

Utandiko 17:17

Lyene Abulaamu afukama pansi afupime. Atandika kuseka lino welenganya wati, “Uzye mucumi umonsi ali ni myaka umwanda angavyala umwana? Uzye Sala wino ali ni myaka amakumi fundimbali cumi angavyala umwana?”

Utandiko 21:6

Sala avwanga ati, “Leza watandetela insansa ni nseko nu muntu wensi wino aluvwa ukuti navyalila Abulaamu umwana alaseka pamwi nani.”

Masamu 107:9

Akaikusya umwenzo uli nu lusala, nu kupeela ivisuma kuli yano yali ni nzala.

Masamu 119:136

Aminsonzi yakufomfomoka sile umu manso yane, apamulandu wakuti antu yasiyela amasunde yako.

Masamu 143:6

Natambika makasa yane kunuli, nkukuluka wa musili uume, uno ukulolela imvula.

Masamu 17:15

Lelo nemo umu ulungami wane, ndiza nkulole. Lino ndakatuka ndiza ndole icata cako, nupya ndaya nu luzango wakwe cimwi.

Masamu 28:7

Yawe ali maka yane ni cisyangu cane, munoli ali muno umwenzo wane wataila. Wangazwa, nu mwili wane watiuzanga, ali cino nkumutaizya uku mwenzo wane onsi.

Masamu 65:4

Alongo antu yano wemo wasolola, apakuti yangaikala umwi sano lyako ilyamuzilo! Tumasekelanga apa vintu ivizipe ivyaya umwako, apa upolelelo uwaya mung'anda yako yamuzilo!

Ezaya 25:6

Apa mwamba uu uwa Zioni ali pano Yawe Wamaka yonsi alimula antu amitundu yonsi pyu iya pano nsi. Palaya ukuilyokezya ivyakulya visuma na waini umusuma wakwe cimwi, inyama isuma na waini wampomvu wakwe cimwi.

Ezaya 30:19

Nga alino nupya atwalilila ati, “Mwe ikazi amu Yelusalemu, mutalalila aminsozi nupya foo. Leza waya nu luse. Wene alamutuula ndi mwamwama.

Ezaya 66:10

Zanga we Yelusalemu! Sansamukini mwensi mwemuno mwamutemwa! Zangini, sansamukini apamulandu wakwe, mwensi mwemuno mukamulosya!

Yelemiya 13:17

Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Yelemiya 31:25

Pano ndimula umwenzo utovoke, ndikusya nu mwenzo onsi uno ukucula.

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Yelemiya 9:1

Cange cizipe umutwe wane iwuya cifula ca manzi, na manso yane yaye akafukoka ka minsozi, apakuti antu yane yano yakomola, injalosye usiku nu musanya.

Ezekelo 7:16

Yayo alapusuka yalapukila mu myamba, lelo ndayakoma yonsi wa vipeele, cila muntu apa maifyo yakwe.

Ezekelo 9:4

nga amunena ati, “Yanga kapitane mu musumba onsi wa Yelusalemu, uye ukalembe icimanyililo pa mausyu ya antu yonsi aakuteta nu kulila pamulandu wa vintu vyawinyi vii vyonsi ivikucitika mu musumba uu.”

Mateo 5:4

Alongo antu yano yakauvwa ulanda. Pano Leza alayasansamusya.

Mateo 5:6

Alongo antu yano yakalondesya kucita ivyawololoke vyakwe Leza ni myenzo yao yonsi. Pano Leza alayapeela vyonsi vino yakulonda.

Luka 1:53

Wataikusya anzala ni vintu visuma, na akama watayazinga yapita iminwe itupu.

Luka 6:20

Lyene Yesu acelecensya pa alondezi avwanga ati, “Alongo amwemwe mwe apina. Pano Uwene wakwe Leza uwa kwinu!

Luka 6:22

“Alongo amwemwe ndi antu yamupata, yamukana, yamutuka, yavwanga yati mwemwe yaipe pamulandu wa kulondela Mwana wa Muntu.

Luka 6:25

“Kalanda kuli mwemwe mwe muno mukwikuta ndakai. Pano mulaya ni nzala. Kalanda kuli mwemwe mwe muno mukuseka ndakai. Pano mulaya nu ulanda nu kulosya.

Yoane 11:35

Yesu alila.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 6:35

Yesu nawe avwanga ati, “Nene cakulya icikapela umi.” “Wino uwiza kunondi ataluvwa nzala, nga na wino uwataila ataluvwa lusala.

1 Kolinto 4:11

Na ndakai kwene tukupita ala tuli ni nzala nu lusala. Tuzwite nsamu. Tukaumwa. Tukazeya kufuma mu cifulo conga kuya ku cuze.

2 Kolinto 11:27

Naomvile nu kupikintika. Lingi napitanga kwaula kulala. Napisile ni nzala nu lusala, lingi nulilwe vyakulya, mwakwikala, nacuzile ku mpepo nu kusizya.

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

2 Kolinto 6:10

Yakati sweswe ya ulanda, lelo tukazanga lyonsi. Yakati sweswe apina, lelo tukalenga antu aingi kuya akama. Yakati tutakweti nanti cimwi, lelo tukweti vyonsi.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.

Umbwilo 7:16

Yene yatalatala yuvwe inzala nanti lusala nupya. Ilanzi nanti cikaililwa cili consi citalatala ciyoce,