Luka 6:12 - Amazwi Yakwe Leza 2013

¹² Mu manda yalya Yesu waile ku mwamba ku kupepa. Alola uca, ala akupepa kuli Leza.

Luka 6:12 ပူးပေါင်းရင်းမြစ်များ

Masamu 22:2

Leza wane, muno nali nkupunda kasanya konsi lelo ukwaula kuti ungasuke. Nanti usiku kwene, ntange indole utulo!

Ezaya 26:9

Apa nsita ya usiku nkakuluuka wakwe cimwi. Lino ulalolwela aikala nsi, ali lino yonsi yalamanya ulungami vino waya.

Danieli 6:10

Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.

Mateo 5:1

Lino Yesu walola maumba, akwela pa mwamba, nga lino wikala pansi alondezi yakwe yapalama kunoli.

Mateo 6:6

Lelo mwemo, lino mukupepa, ingilini mu muputule winu uwa mukasi, nga lino mwayala cisasa, mupepe kuli So asyaloleka. Na So akalola vino mukacita mu nkama alamupeela cilambu.

Mako 1:35

Lyene katondo tondo pa macaca, Yesu akatuka afuma mu ng'anda. Alino afuma mu musumba aya ku cifulo ukwali cele, ku kupepa.

Mako 3:13

Yesu akwela umwamba, aama yano mwine walondanga, nao iiza kunoli.

Mako 6:46

Pacisila ca kupakasyanya na antu, apita aya akwela umwamba ku kupepa.

Luka 5:16

Lelo Yesu watalanga ayasya aya ku cifulo cili cele akuno aya apepa.

Luka 6:11

Nao yasoka cuze, yumana kapi pali cino yangacita kuli Yesu.

Luka 6:17

Yesu pamwi na atumwa yatentemuka umwamba, iimilila apatambalale. Lyene iumba likulu cuze lya alondezi ni umba lya antu afumile ku Yudeya nu ku Yelusalemu nu ku misumba yamu nkumba yakwe Tuli na Sidoni,

Luka 9:18

Insita imwi Yesu wapepanga ala ali sile na alondezi yakwe. Yesu ayauzya ati, “Uzye antu yakati nene weni?”

Luka 9:28

Papisile umulungu kufuma lino Yesu walanzile vintu vii, Yesu asenda Petulo, Yoane na Yakobo yaya pa mwamba ku kupepa.

Luka 9:29

Lino acili akupepa, cinso cakwe ciloleka ciiyele, ni vizwalo vyakwe viyengesa cuze viya vitiswe wa luswepo.

Yoane 6:3

Lyene Yesu akwela pa mwamba, nga aikala pansi pali pamwi na alondezi yakwe.

Kolose 4:2

Mukonkowezye kupepa. Nalino mukupepa, pempulini nu kutaizya Leza.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

1 Samueli 15:11

“Indi nu ulanda pa kupeela Saulo uwene, pamulandu wakuti wene watamfutatila nupya watakana ukuyela amalamulo yane.” Samueli ali pakusoka, nga atandika nu kupapata kuli Yawe usiku ulya onsi.