Luka 5:35 - Amazwi Yakwe Leza 2013

³⁵ Lelo manda yaliza lino siwinga alasendwa kufuma panoyali, lyene alino yalaizilizya ukulya.”

Luka 5:35 ပူးပေါင်းရင်းမြစ်များ

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Danieli 9:26

Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Mateo 9:15

Yesu aasuka ati, “Uzye asukilizi ali pa cimulo ca winga yangikala akungumale lino yali pamwi na siwinga? Citangaya vivyo! Lelo manda yaliza lino siwinga alasendwa kufuma pano yali, lyene alino yalaizilizya ukulya.

Mako 2:20

Lelo manda yaliza lino siwinga alasendwa kufuma panoyali, lyene alino yalaizilizya ukulya.

Luka 17:22

Lyene anena alondezi yakwe ati, “Insita ikwiza lino mulalondesya kulola uwanda wa Mwana wa Muntu, lelo mutalaulola.

Luka 5:34

Yesu aasuka ati, “Uzye ungaleka asukilizi ali pa cimulo ca winga kuti yaizilizya ukulya lino yali pamwi na siwinga? Citangaya vivyo!

Luka 5:36

Lyene Yesu ayanena mulumbe ati, “Kusi umuntu akakampika cikampa cipya pa nsalu yampiti, pano cikampa cipya cilatunkana nu kulepula insalu yampiti, nga ni cikampa cipya citangayana pa nsalu yampiti.

Yoane 12:8

Apina mukaya nao pe, lelo nemo mutalaya nani pe.”

Yoane 13:33

Mwe ana yane, namaya namwe pa kasita kanono sile. Mulandonda, lelo namunena vino nanenyile intunguluzi zya Ciyuda, inti ‘Mutangaya kuno nkuya.’

Yoane 16:28

Nafumile kuli Tata, nga niza mu nsi. Nupya ndakai namasya insi nu kuya kuli Tata.”

Milimo 1:9

Pacisila lino wavwanga vintu vii, asendwa kwiyulu ala yakulola. Alino ikumbi limuvimba nga nao yata kumulola.

Milimo 14:23

Muli cila uvi yasontamo aikolo yi uvi. Alino yaizilizya ukulya, yapepa, yaika mu makasa ya Mwene, wino yatailamo.

Milimo 3:21

Cingamuzipila kuti alali mwiyulu kufikila na pa kwiza kwa nsita lino vintu vyonsi vilalengwa ivipya. Vii avino Leza wavwanzile kupitila muli yakasema yakwe amuzilo aku manda yampiti.

1 Kolinto 7:5

Caleka cila wenga atalinzile kukanya kufikilizya kulonda kwa mwili ku muze, suka sile ndi mwati muzumilizyanya kuntacita cii pamulandu wakuti musumbe nsita mu kupepa. Lelo mulinzile kutandika nupya kufikilizya ivyaya mu utwazi. Mu musango kwene uu, amuno mulacingililwa ku mezyo yakwe Ciwa pamulandu wa kuntaikanya kwinu.

2 Kolinto 11:27

Naomvile nu kupikintika. Lingi napitanga kwaula kulala. Napisile ni nzala nu lusala, lingi nulilwe vyakulya, mwakwikala, nacuzile ku mpepo nu kusizya.