Luka 5:1 - Amazwi Yakwe Leza 2013

¹ Uwanda umwi lino Yesu wimilile pa nkumba yakwe yemba wa Genesaleti, antu yamuunganila, ala yakuuvwa mazwi yakwe Leza.

Luka 5:1 ပူးပေါင်းရင်းမြစ်များ

Mpendwa 34:11

Umupaka uwo ukafumilile ku Syefamu ukutentemukila ku Libula, lwaku ufumondaka wa Aini, utentemukile nupya ukupambata Yemba wa Galile,

Mateo 11:12

Kufuma mu manda yakwe Yoane Kawatizya kufika na ndakai, antu yakalwisyanya nu Wene wa mwiyulu, na antu ya maka alio yakuupoka.

Mateo 14:34

Lyene lino yalamba mbalama yuze, yakooka pa Genesaleti.

Mako 3:9

Iumba lyali likulu cuze, caleka Yesu anena alondezi yakwe kumuteyanyizizya uwato mwakwikala pakuti antu yatamuunganila.

Mako 4:1

Nupya Yesu atandika kuyasambilizya mu nkumba yakwe yemba. Iumba ilyakongine kunoli lyali likulu, caleka apatama mu wato umwi, amuno aikala. Uwato wali pali yemba, iumba lyene lyali ku cituntu cakwe yemba.

Mako 5:24

Yesu apita nawe, nga iumba likulu lilondela Yesu limuunganila.

Mako 6:53

Lyene lino yalamba mbalama yuze, yakooka pa Genesaleti, nga yasya uwato pi lambwa.

Luka 12:1

Lino antu mazimbi na mazimbi yakongana pali pamwi, cakuti yalyatana, Yesu anena alondezi yakwe ati, “Cenjelini nu kutaluka ku citutumusi ca Afaliseo, kuli kuti usomvi wao.

Luka 5:2

Lyene alola amato yaili ala yati yakulilwa ku cituntu, na alondo yati yafuma mwenemo, ala yakufula amasumbo yao.

Luka 8:22

Uwanda umwi Yesu apatama mu wato na alondezi yakwe, nga ayanena ati, “Tuini tulambe ku mbalama yakwe yemba.” Lyene yamusenda.

Luka 8:23

Lyene lino yali mu wato, Yesu akasula. Mukupumikizya cipupu cikatuka, caleka na manzi yatandika kwingila mu wato. Yene yaya mu uzanzo ukulu cuze.

Luka 8:33

Lyene mipasi yankota ifuma mu monsi nga iingila muli yakapoli. Alino ufyo onsi utantamukila ku lwema, uponela muli yemba, umwela.

Luka 8:45

Yesu auzya ati, “Uzye aweni uwankumya?” Lino yonsi yakana, Petulo ati, “Kasambilizya, antu yonsi yati yakuunganila nu kukupupumila.”

Yoane 1:40

Wenga pali yao yaili auvwile kuli Yoane, nu kulondela Yesu, wali a Andeleya, mwina wakwe Simoni Petulo.

Yoane 6:1

Pacisila ca vintu vii, Yesu alambila ku mbalama yuze yakwe yemba wa Galile (nanti yemba uwaku Tibelyasi).

Malango 3:17

Lwaku uwondaka impanga yao yanyetelile ukufika ku Luzi lwa Yodani, nu kufuma kuli Yemba wa Galile ku katutu mpaka ukutentemukila kuli Yemba wa Musilya lwaku kaeya mpaka nu mu mutentemuko wa Mwamba wa Pisiga lwaku ufumondaka.

Ayebulai 13:7

Mwaiusya yao ali ntunguluzi zinu, yano amunenyile ilandwe, mazwi yakwe Leza. Elenganyini musango uno ikalanga na vino yafwile, nga mukolane na alio mu utailo wao.

Yoswa 12:3

Wene wateekanga na lwaku ufumondaka wa Alaba ukutandikila kuli Yemba wa Galile ukufika na kuli Yemba wa Alaba (kuli kuti Yemba wa Musilya), nu kulunduluka ku Beti Yesyimoti, ukufika nu kwisika lya mutentemuko wa Mwamba wa Pisiga lwaku kaeya.

Yoswa 13:27

Nga ni mpanga zyaku Cifoloma ca Yodani wakwe zii: Beti Halamu, Beti Nimula, Sukoti na Zafoni kumwi nu wene uwasile wakwe Siooni umwene waku Hesyiboni (kuli kuti ku ufumondaka wa Luzi lwa Yodani, ni mpanga iyelile ukupela kufika ku mpela yakwe Yemba wa Galile).