Luka 4:7 - Amazwi Yakwe Leza 2013

⁷ Caleka ndi wampepa, insi yonsi imaya iyakwako.”

Luka 4:7 ပူးပေါင်းရင်းမြစ်များ

Masamu 72:11

Yamwene yonsi sile yalukufukankila kunoli, na antu yonsi amu mitundu yalukumuombela!

Ezaya 45:14

Yawe wavwanga ku ina Izlaeli wati, “Cuma caku Eguputo ni vyauculuzi vyaku Kusyi, vilaya ivyakwinu. Antu aku Seba, amusinku utali, yalawela kunomuli yaye azya inu nu kumulondelela icisila ala yali mu minyololo. Yalamufukamila nu kuzumila yati, ‘Cumi kwene Leza ali namwe, nga kutaya namuze. Kutaya Leza namuze.

Ezaya 46:6

Antu yamwi yakasapula imifuko yao nga yafukumulamo zaabu, nga yapima siluva pa masikelo. Alino yalemba musyanyi umwi incito, nga nawe ayapangila tuleza utuluwi. Lyene nayo yatufukamila nu kutupepa.

Mateo 2:11

Alino iingila mu ng'anda, yalola mwana wilya na nyina Maliya, yamufukamila yamupepa. Alino yasapula vyuma vyao, nga yamupeela mawila yakwe zaabu, ubani nga ni vyamununko usuma, Mule.

Luka 17:16

Lyene afukama pansi nkolelo yakwe Yesu, amutaizya. Muntu wii, wali u Musamaliya.

Luka 4:6

“Namakupeela maka yonsi akuteeka mawene nu lulumbi lwakweyo. Insi yonsi yapeelwa kunondi, nani ningapela kuli wensi wino nkasi!

Luka 4:8

Yesu aasuka ati, “Calembwa mu malembelo cati, ‘Wapepa Mwene Leza wako, wene wenga sile awino watumikila.’”

Luka 8:28

Lino walola Yesu apunda, afukama pa ngazo zyakwe Yesu alaizya ati, “Yesu we Mwana wakwe Leza uwa papelapela! Uzye ukulonda cani kunondi? Nakupapata, utancuzya!”

Umbwilo 22:8

Ne Yoane nuvwa nu kulola vintu vii vyonsi. Nalanga nuvwa nu kulola, mfukama pipi ni ngazo zya mungeli wino uwandanzile vintu vii, nupya kwasile panono kuti mupepe.

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Umbwilo 5:8

Lino akucita vii, viumbwa vyaumi vini pamwi na ikolo makumi yaili na yani yafukamila Mwana wa mfwele. Cila wenga wakweti zeze nga ni ngeso zyakwe zaabu izyazilemo vya mununko usuma nga navyo vili mapepo ya antu yakwe Leza.