Luka 4:35 - Amazwi Yakwe Leza 2013

³⁵ Yesu akalipila mupasi wankota ati, “Myalala, fuma mu muntu wi!” Mupasi wankota umuponya pansi ala yakulola, alino ufuma kwaula kumucisa.

Luka 4:35 ပူးပေါင်းရင်းမြစ်များ

Masamu 50:16

Lelo antu aipe ankota, yene Leza amayanenanga ati, “Icani cino mwemo mungavwangila apa masunde yane. Nanti cino mungavwangila apa upangano wane icani?

Zakaliya 3:2

Alino umungeli wakwe Yawe anena Satana ati, “Si Yawe angala akupezye! Yawe uwasolwile Izlaeli, aliwe akukalipile! Uzye umuntu wiyo asi sile wa cisonsololwa cino yasompwile apa moto?”

Mateo 17:18

Yesu akalipila mupasi wankota, nao ufuma mu mulumendo, nga lilyo kwene apoziwa.

Mateo 8:26

Yesu ayanena ati, “Mwe ya utailo unono! Uzye pacani muvwa intete?” Lyene Yesu akatuka, alesya cipupu na maimbi, nga kuya cele.

Mako 1:26

Mupasi wankota utensya umuntu na maka, nu kulaizya kukulu, ufuma munoli.

Mako 4:39

Yesu akatuka, alesya cipupu ati, “Myalala!” Alino anena na maimbi ati, “Lalini!” Lyene cipupu cimyalala, nga kuya cele.

Mako 9:26

Mupasi wankota upunda, uutensya mwana na maka umufulukusya, alino ufuma munoli. Mulumendo aloleka wa mufwe, nu muntu wensi avwanga ati, “Wafwa!”

Luka 11:22

Lelo lino wino amulusile maka wiza wamuzanza nu kumucimvya, wene alapoka ivyanzo vyonsi kwene vino mwine wataila, nu kwankanya vino wapokolola.

Luka 4:23

Yesu ayanena ati, “Cumi, mumangumila ipinda lii, likati, ‘Sing'anga, ipozye wemwisikulu. Ucite na kuno mwinu vino tuvwa wacita ku Kapenaumu.’”

Luka 4:39

Nawe aya aimilila pa mbali ya musanzi wakwe alesya impepo, nayo isila. Lyene lilyo kwene umulwale akatuka, atandika nu kuyapela ivyakulya.

Luka 4:41

Mipasi yankota ifuma mu antu aingi, ala ikulaizya ikuti, “Wewe Mwana wakwe Leza!” Yesu akalipila mipasi yankota nupya ataizumilizye kuti ivwange, pano yamanyile vino wali Katuula uwalavilwe.

Luka 8:24

Nao yamuzyula, yati, “Kasambilizya, Kasambilizya! Tuli pipi nu kuundwa.” Yesu azyuka, alesya cipupu na maimbi, navyo vimyalala nga kuya cele.

Luka 9:39

Mupasi wankota ukamulema, umuponya pansi nga apunda izwi likulu, alino umutensya na maka cakuti afumya ni itomvu ku mulomo. Pa kufuma ukasya wamucisola.

Luka 9:42

Lino mulumendo acili akwiza, mupasi wankota umuponya pansi alino umutensya na maka. Alino Yesu akalipila mupasi wankota, apozya mulumendo, nga nupya amupeela kuli isi.

Umbwilo 12:12

Acino zangini mwe mayulu na mwe muno mwikalamo! Lelo kalanda ku amu nsi na yemba! Pano Ciwa watasumbwa pa nsi kunomuli, nupya ali nu ukali cuze pano amanyile ukuti watasyala sile ni nsita inono.”