Luka 4:18 - Amazwi Yakwe Leza 2013

¹⁸ “Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Luka 4:18 ပူးပေါင်းရင်းမြစ်များ

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

2 Milandu 34:27

pasi pano waicefizye, wazenzuka pa manso yane. Walepozile ni vyakuzwala vyako apakulanga ulanda. Wemo uvwile vino napingwile Yelusalemu na ikazi yamwenemo. Nemo fwandi natinuvwa ipepo lyako.

Masamu 102:20

apa kuvwa vino azya yakuteta, na pakutuula yayo yano walanga yapingwilwa ukufwa.

Masamu 147:3

Aliwe alapozya imyenzo yakwe yayo aculisye, alayanyepela ni vilonda vyao.

Masamu 2:2

Yamwene yao yasakatuka, ni ntunguluzi zyao yapangila Yawe, pamwi nu musololwe wakwe.

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Masamu 34:18

Yawe akaya umupipi sana na yayo ati yaputuka imisana. Wene akapususya antu yano yati yapelelwa amano.

Masamu 45:7

Wemo watemwa ivintu ivilungame, wapata ivintu iviipe. Ali mulandu kwene uno Leza, uwaya Leza wako wakusolwile nu kukupelesya insansa izivule ukuluta apa yauzo.

Masamu 51:17

Ali cino fwandi nemo impolelwa yane, ukulapila kwa mu mwenzo, usisula umwenzo uwakutontelela mu kuzenzuka.

Ezaya 32:3

Lyene amanso yakwe yayo akalola yatalazyata awe, na makutwi yakwe yao alalondesya kuuvwa yalakomoka.

Ezaya 35:5

Amanso ya mpafu yamalola, na matwi yakwe yacipuuli yamakomoka.

Ezaya 42:7

Ulapozya impafu amanso, nu kusapula anyepwe umu ng'anda yaminyololo, nu kuleka yayo aikala mu mfizi yaye antungwa.

Ezaya 45:13

Anene natinkatusya Kilusi kuti uwololoke ucitwe. Ndololola inzila zyonsi muno alapitamo. Wene alakuululula umusumba wane wa Yelusalemu nu kuleka antu yane ali mu uzya yaye antungwa, ukwaula kuti umwi amulipile nanti kumupa amafukakanwa.” Avino Yawe Wamaka yonsi wavwanga.

Ezaya 49:9

Ndanena amu ng'anda yaminyololo inti, ‘Fuminimo!’ Na yano ikala umu kanda nayo ndayanena inti, ‘Sokolokini, izini pano apaswe.’ Yalaya wa mfwele zino zikulya umulemvwe pa myamba isanzuke.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezaya 59:21

Alino nupya ne Yawe napangana namwe upangano wakuti nemo napeela amaka yane na masunde yane. Fwandi mwemo mulinzile ukuviyela, nu kuvisambilizya ku yana yinu na izikulu inu, ukutandikila sile apilelo ukufika nu kumpela ya manda. Kuu kuli kulanda kwakwe Yawe.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Ezekelo 9:4

nga amunena ati, “Yanga kapitane mu musumba onsi wa Yelusalemu, uye ukalembe icimanyililo pa mausyu ya antu yonsi aakuteta nu kulila pamulandu wa vintu vyawinyi vii vyonsi ivikucitika mu musumba uu.”

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Zefaniya 3:12

Lelo nemo ndasyapo sile munuli antu aicefya nupya afuke, yayo akalilila kunondi kuti njazwe.

Zakaliya 11:11

Fwandi pa wanda kwene ulya nu upangano ali kononeka. Yayo akalanga imfwele nu kuzikazya ala nayo yakundolekesya, nu kusininkizya alino lyene yasininkizya ukuti fwandi a Yawe aliwe akunena ukucita vino nkucita.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Mateo 11:5

Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Mateo 12:18

“Lolini muomvi wino nati nsolola. Mukundwe wane, wino mwenzo wane ukazanga munoli. Namamwikila Mupasi wane, Nawe amakosolanga ivyawololoke vyakwe Leza ku antu amu nko zyuze.

Mateo 12:20

Atalavuna itete lifwampe, atalazimya nyali ikuzimantukila kufika lino alalenga kuti wololoke wakwe Leza ucimvye.

Mateo 4:16

Antu yano akaikala mu mfinzi, yati yalola luswepo lukulu lwa ufyusi. Na pali yao aikala kwati yali mu mpanga ya mfinzi, yati yalola luswepo lwa ufyusi wakwe Leza.”

Mateo 5:3

“Alongo antu yano mu myenzo yao yakailola vino yene apina. Pano Uwene wa mwiyulu uwakwao.

Luka 4:17

Alino yamupeela malembelo yakwe kasema Ezaya, nawe apombolola nga azana pano calembwa cati,

Luka 6:20

Lyene Yesu acelecensya pa alondezi avwanga ati, “Alongo amwemwe mwe apina. Pano Uwene wakwe Leza uwa kwinu!

Luka 7:22

Lyene anena nkombe zyakwe Yoane ati, “Pitini, mukanene Yoane vintu vino mwati mulola nu kuuvwa. Mumunene muti mpafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Yoane 1:41

Lilyo kwene, alonda Simoni mwina wakwe, amuzana amunena ati, “Twati tuzana Mesiya.” (Kuli kuti “Klistu.”)

Yoane 12:46

Nemo niza wa luswepo lwamu nsi, kuti wino wensi wantaila atakikale mu mfinzi.

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Milimo 4:26

Ya mwene ya nsi yaiteinye, nga na yakateeka yakongana pali pamwi kuti yalwisye Mwene Leza nga na Klistu wino wasolola.’

Milimo 4:27

Pano cumi Helodi na Pontio Pilato yakongine mu musumba pamwi na Akulukuwa nga na ina Izlaeli kuti yalwisye Yesu, umuomvi wako uwamuzilo, wino wasolwile. Yoa 18:28

Kolose 1:13

Leza watukulula nu kutufumya mu maka yakwe Ciwa ni mfinzi nga watuleta mu Wene wa Mwana wakwe mukundwe, wino

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.