Luka 3:23 - Amazwi Yakwe Leza 2013

²³ Yesu wali ni myaka makumi yatatu lino watandike kuomba incito yakwe. Antu yelenginye ukuti wene umwana umonsi wakwe Yosefu, wino wali mwana wakwe Heli,

Luka 3:23 ပူးပေါင်းရင်းမြစ်များ

Utandiko 41:46

Yosefu wali ni myaka yakuvyalwa amakumi yatatu lino watandike kutumikila Falao, umwene waku Eguputo. Ndi Yosefu wafuma umwi sano ala waya ku kutandala konsi mu Eguputo.

2 Samueli 5:4

Davidi wali ni myaka amakumi yatatu iyakuvyalwa lino watandike ukuteeka, nga wateesile imyaka amakumi yani.

Mpendwa 4:3

Nu kupenda aonsi yonsi ali ni myaka amakumi yatatu ukufika pa myaka amakumi yasano. Ayanena kuti yalole angalinga kutumikila mwi Taalu lya Ukongano.

Mpendwa 4:35

Aonsi yonsi ali ni myaka kutandikila pa makumi yatatu kufika pa makumi yasano yano iizile ku kuomba imilimo ya mwi Taalu lya Ukongano,

Mpendwa 4:39

Aonsi yonsi pyu ali ni myaka kutandikila pa makumi yatatu kufika pa makumi yasano, angalinga ukuomba mwi Taalu lya Ukongano,

Mpendwa 4:43

Aonsi yonsi ali ni myaka kutandikila pa makumi yatatu kufika pa makumi yasano, alinzile ukuomba mwi Taalu lya Ukongano,

Mpendwa 4:47

Aonsi yonsi ali ni myaka kutandikila pa myaka makumi yatatu kufika pa myaka amakumi yasano, alinzile ukuomba mwi Taalu lya Ukongano nanti ukulisenda,

Mateo 1:1

Kuu kuli kulondolola kwa mupanda wa vikolwe vyakwe Yesu Klistu, mwana wakwe Davidi, mwana wakwe Abulaamu.

Mateo 1:16

Yakobo wali a isi wakwe Yosefu, iya wakwe Maliya u waviile Yesu wino akaamwa ukuti a Klistu.

Mateo 1:6

Yese wali a isi wa Mwene Davidi. Davidi wali a isi wakwe Solomoni wino wavilwe muli wino uwali muci wakwe Uliya,

Mateo 13:55

Uzye wii asi mwana wakwe kawaza wa mbao? Uzye nyina asi Maliya? Uzye aina yakwe yasi a Yakobo na Yose na Simoni na Yuda?

Mateo 4:17

Kufuma pa nsita kwene ilya, Yesu atandika kukosola, ati, “Zenzukini, pano Wene wa mwiyulu wati upalama pipi.”

Mako 6:3

Uzye wii, asi akawaza wa mbao, mwana wakwe Maliya? Uzye wii, asi mwina wakwe Yakobo, Yosefu, Yuda, na Simoni? Uzye yakaci yakwe yasiikala kuno mwitu?” Alino yamukana.

Luka 2:48

Akwasi yakwe lino yamulola yazunguka cuze, lyene nyina avwanga kunoli ati, “Mwana we, uzye pacani cino wacitila icintu ci kunotuli? Lola so nani twali asakamikwe cuze lino twakulondanga.”

Luka 3:31

mwana wakwe Meleya, mwana wakwe Mena, mwana wakwe Matata, mwana wakwe Natani, mwana wakwe Davidi,

Luka 4:22

Antu yonsi yavwanga visuma vya pali aliwe, nga yazunguka pa mazwi asuma yano wavwanzile. Yavwanga yati, “Uzye wii asi mwana wakwe Yosefu?”

Yoane 1:45

Filipo azana Natanaeli, amunena ati, “Twati tuzana wino Mose walemvile pamulandu na aliwe mu lupapulo lwa Masunde, wino na yakasema nao kwene yalemvile pamulandu na aliwe mu mpapulo zyao. Wene a Yesu mwana Yosefu uwaku Nazaleti.”

Yoane 6:42

Yavwanga yati, “Uzye wii asi Yesu mwana wakwe Yosefu? Uzye lyene angavwanga uli ati, ‘Nafuma kwiyulu?’”

Milimo 1:1

We Musambazi Teofilo, Mu lupapulo lwane lwankolelo nalemvile pa vintu vino Yesu wacisile na vino wasambilizye kufuma pa nsita ino watandike milimo,