Luka 3:17 - Amazwi Yakwe Leza 2013

¹⁷ Wene akweti ulupe ulwakwelela, kuti aele ingano zyonsi, azikolonganike nu kuzisezya mu nkoma yakwe. Lelo mapumbu alayoca mu moto usyazimiwa.”

Luka 3:17 ပူးပေါင်းရင်းမြစ်များ

Masamu 1:4

Lelo yakacita ya viipe asi vino yaya awe. Yene yakoline na cungu wino akaululwa nu muza.

Ezaya 30:24

Yamasaye inu na yapunda inu yano mukaomvya uku kulimila ivyalo yalaalya umulemvwe utekete wakwe cimwi.

Yelemiya 15:7

Ndayulula nu mutumpulo apa mpongolo zya misumba ya mpanga ii. Nimpoka mwe antu yane ana nu kumulovya, pamulandu wakuti mutatiile imisango inu iipe.

Mika 4:12

Lelo antu yayo yatamanya ukwelenganya kwakwe Yawe, nupya yatiluka ukuti yayakonganika kuti yavunukwe, wakwe vino imyanzi ya ngano ikakolonganikwa apa lwano.

Mateo 13:30

Lekini vyonsi vikulile pamwi kufika ku uzombozi. Pa nsita ilya ndanena azombozi inti, mutandike kwipa kalolo, mumukolonganike nu kumunyepa mu myanzi, nu kooca mu moto. Alino lyene mukolonganike ingano nu kuzisezya mu nkoma.’ ”

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”

Luka 3:18

Lyene Yoane wakosolanga Ilandwe Lisuma ku antu, ala akuyacinkula mu vintu navyuze ivingi kuti yazenzuke.