Luka 24:45 - Amazwi Yakwe Leza 2013

⁴⁵ Lyene akupulula myenzo yao kuti yamanye malembelo.

Luka 24:45 ပူးပေါင်းရင်းမြစ်များ

Yobo 33:16

Akula lino yakaswile, alino nawe ayatotoza amazwi yakwe. Limwi nu kuyacilukizya apakuti ayasopesye, mu vintu vino yakuluvyanya.

Masamu 119:18

Njulile amanso uleke ndole ivinjelengwe ivyaya umu masunde yako.

Kufuma 4:11

Yawe auzya Mose ati, “Uzye aweni akapeela umuntu mulomo? Uzye aweni akalenga kuti umuntu aye ciulu nanti cipuuli? Uzye aweni akalenga kuti umuntu alola nanti aye impafu? Uzye asi anene ne Yawe?

Luka 24:32

Nao yavwanzyanya yati, “Uzye myenzo itu itali ikupya uku luzango lino wali akulanda naswe mu nzila, nu kutulondolwela malembelo?”

Milimo 16:14

Wenga wamuli yao atuvwile wali a Lidya uwafumile ku Tiatila, kakazya wa nsalu zyakwe cikuwe. Wali umwanaci uwapepanga Leza, nu Mwene wayuzile amano yakwe kuti auvwe kuli vino Paulo wavwanganga.

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.