Luka 24:32 - Amazwi Yakwe Leza 2013

³² Nao yavwanzyanya yati, “Uzye myenzo itu itali ikupya uku luzango lino wali akulanda naswe mu nzila, nu kutulondolwela malembelo?”

Luka 24:32 ပူးပေါင်းရင်းမြစ်များ

Masamu 104:34

Si angala asansamukila mu melenganyo yane yonsi pano aliwe akansansamusya nupya nani nkazangila munoli.

Masamu 39:3

Umwenzo wane wapyanga sile umukasi. Nga nelenganya sana, lyene umwenzo iulundulukako ukupya umukasi. Nasuka naposiwa ukuzizimizya, nga mvwanga amazwi akuti,

Mapinda 27:17

Ndi vino icela cikanyola icela cuze, vivyo kwene umuntu nawe akakopa imisango ku muntu muze.

Mapinda 27:9

Mafuta acinunu cisuma pamwi nu ubani vikazanzya umwenzo, lelo usuma wakwe cuza wasintilila pa kulungika auze.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Yelemiya 23:29

Yawe walanda wati, “Uzye kwene amazwi yane yatakoline wa moto, nanti inondo ino ikatamola iciliwe mu tupimfya?”

Mako 4:34

Atayasambilizyanga cimwi kwaula kuomvya milumbe, lelo ndi wikala pamwi na alondezi yakwe ataomvyanga milumbe, lelo walondololanga vyonsi kunoyali.

Luka 24:45

Lyene akupulula myenzo yao kuti yamanye malembelo.

Yoane 6:63

Mupasi wakwe Leza aliwe akapeela umi. Amaka ya muntu yatangapeela umi. Amazwi yano namunena yene akapeela Mupasi wakwe Leza nu umi.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.