Luka 24:11 - Amazwi Yakwe Leza 2013

¹¹ Lelo mazwi yaa yuvwika wa myawe ku atumwa, nupya yatataile.

Luka 24:11 ပူးပေါင်းရင်းမြစ်များ

Utandiko 19:14

Lyene Loti aya kuli yasivyala ali nu kutwala ana yakwe ati, “Pitisini mufume muno musumba, pano Yawe akulonda konona cifulo ci.” Lelo yene yelenganya ukuti imyawe.

2 Yamwene 7:2

Lyene inkombe iyasukilile umwene inena kasema wilya iti, “Cico citange citale cicitike nanti panono, nanti sile Yawe umwisikulu angatuponyezya imvula.” Lelo Elisya aasuka ati, “Wemo ulailolela na manso yako kuno icintu cii cikucitika, lelo utalalya nanti kamwi apa cakulya cico!”

Yobo 9:16

Nanti sile ningamwama nga nawe azumile ukwiza, nemo ntasininkizye ndi cakuti akuuvwa navino nkulanda.

Masamu 126:1

Lino Yawe wawelulwisye yayo asenzilwe uzya uku Yelusalemu, cali wa ciloto!

Mako 16:11

Lyene lino yuvwa akuti Yesu umumi nu kuti wali wamulola, yatamutaile.

Mako 16:13

Lyene yaweluluka kuyanena auze, lelo nalyo kwene yatataile.

Mako 16:14

Pacisila Yesu aloleka ku alondezi ikumi na wenga ala yatenzi yakulya pa cipango. Ayasinkola, pa kuntataila kwao na pa kukoma kwa myenzo yao, pano yatataile yano amuweni lino wazyukwike.

Luka 24:25

Lyene Yesu ayanena ati, “Viwelewele mwe, mwe muno mwakoma myenzo pa kutaila vintu vino yakasema yalanda.

Luka 24:41

Lelo nalyo kwene pamulandu wakuzuziwa nu luzango, lino yatali yataile, yazunguka, nga nawe ayauzya ati, “Uzye mukweti cakulya cimwi pano?”

Milimo 12:9

Petulo amulondela kufuma mu ng'anda yaminyololo. Lelo atamanyile ndi cino mungeli wacitanga cali icacumi. Welenginye vino akulola cilolwa.